پی ایچ ایف کا بغیر اجازت بھارت جانے پر پنجاب وویمن ہاکی ٹیم کیخلاف کارروائی کا ..
تازہ ترین : 1

پی ایچ ایف کا بغیر اجازت بھارت جانے پر پنجاب وویمن ہاکی ٹیم کیخلاف کارروائی کا فیصلہ ،بھارتی ہاکی فیڈریشن کو خط لکھ دیا ، بغیر این او سی کے کسی ٹیم کو ٹورنامنٹ میں شامل نہ کیا جائے ، خط میں موقف

لاہور(اُردو پوائنٹ اخبار آن لائن۔23جنوری۔2013ء) پاکستان ہاکی فیڈریشن ( پی ایچ ایف ) نے پنجاب وویمن ہاکی ٹیم کے بغیر اجازت بھارت جانے پر کارروائی کا فیصلہ کرتے ہوئے بھارتی ہاکی فیڈریشن کو خط لکھ دیا ۔ میڈیا رپورٹس کے مطابق پنجاب کی وویمن ہاکی ٹیم بھارت میں ہاکی ٹورنامنٹ میں شرکت کیلئے بغیر کسی این او سی کے بھارت کے شہر جالندھر گئی تھی جس پر پاکستان ہاکی فیڈریشن نے نوٹس لیتے ہوئے ہاکی ٹیم کیخلاف کارروائی کا فیصلہ کیا ہے پی ایچ ایف نے اس حوالے سے بھارتی ہاکی فیڈریشن کو خط لکھ دیا ہے خط میں موقف اختیار کیا گیا ہے کہ این او سی کے بغیر کسی بھی ٹیم کو ٹورنامنٹ میں شامل نہ کیا جائے اور آئندہ اس بات کو یقینی بنایا جائے کہ کوئی بھی ٹیم بغیر اجازت کے شرکت نہ کرے ۔

وقت اشاعت : 23/01/2014 - 06:31:14

متعلقہ عنوان :

اپنی رائے کا اظہار کریں