لاہور،ایف آئی اے کی انسانی اسمگلروں اور کرپٹ ملازمین کیخلاف ریجن بھر میں کریک ڈاؤن

منڈی بہاوالدین،سرگودھا،گجرات اور گوجرانوالہ میں چھاپے مارتے ہوئے محکمہ پاسپورٹ کے تین ملازمین سمیت 11ملزمان کو گرفتار کر لیا

جمعرات 22 مارچ 2018 22:57

لاہور (اُردو پوائنٹ اخبار آن لائن۔ جمعرات 22 مارچ 2018ء) ایف آئی اے کا انسانی اسمگلروں اور کرپٹ ملازمین کیخلاف ریجن بھر میں کریک ڈاؤن کرتے ہوئے ایف آئی اے ٹیموں نے منڈی بہاوالدین،سرگودھا،گجرات اور گوجرانوالہ میں چھاپے مارتے ہوئے محکمہ پاسپورٹ کے تین ملازمین سمیت 11ملزمان کو گرفتار کر لیا ہے گرفتار ملازمین میں ارسلان بشیر کمپیوٹر آپریٹر،محمد ندیم ڈیٹا اینٹری آپریٹر اور امتیاز احمد ڈیٹا آپریٹر اینٹری شامل ہے گرفتار انسانی اسمگلروں میں محمد عمران،ساجد محمود،زاہد اقبال،راجا خالد،محمد اصغر،آصف جاوید،اصغر علی اور ذیشان الیاس شامل ہیں محکمہ پاسپورٹ کے ملازمین کو کرپشن اور رشوت خوری پر گرفتار کیا گیا ہے پکڑے گئے انسانی اسمگلرز لوگوں کو بیرون ممالک بھجوانے میں ملوث تھے ملزمان ایف آئی اے کو گزشتہ 12سال سے مطلوب تھے۔