پاکستان کے سب سے بڑے نیو اسلام آبا دا نٹرنیشنل ائیر پورٹ کے افتتاح کی حتمی تاریخ کا اعلان کردیا گیا

نیو اسلام آبا دا نٹرنیشنل ائیر پورٹ رواں سال اپریل کے آخری عشرے میں آپریشنل کر دیا جائے گا،سردار مہتاب احمد، ٹائم فریم کے مطابق منصوبے کی بروقت تکمیل اور کام کے معیار پر کوئی سمجھوتہ برداشت نہیں کیا جائے گا،85 بلین کی لاگت سے تکمیل ہونے والا جدید سہولیات سے آراستہ پاکستان کا سب سے بڑا ائیر پورٹ بین الاقوامی معیار سے آراستہ ہے، وزیراعظم کے مشیر برائے ہوا بازی

پیر 12 مارچ 2018 22:38

اسلام آباد (اُردو پوائنٹ اخبار آن لائن۔ پیر 12 مارچ 2018ء) وزیراعظم کے مشیر برائے ہوا بازی سردار مہتاب احمد خان نے کہا ہے کہ بین الاقوامی معیار کے مطابق جدید سہولیات سے آراستہ پاکستان کا سب سے بڑا نیو اسلام آبا دا نٹرنیشنل ائیر پورٹ رواں سال اپریل کے آخری عشرے میں آپریشنل کر دیا جائے گا۔ انہوں نے متعلقہ حکام کو ہدایت کی کہ ٹائم فریم کے مطابق منصوبے کی بروقت تکمیل اور کام کے معیار پر کوئی سمجھوتہ برداشت نہیں کیا جائے گا۔

انہوں نے ائیر پور ٹ کی بر وقت تکمیل اور آپریشنل تیاری کے حوالے سے متلعقہ حکام سے تفصیلی رپورٹ طلب کی ہے۔ ان خیالات کا اظہار انہوں نے پیرکے روز نیو اسلام آباد انٹرنیشنل ائیر پورٹ کے معائنہ کے دوران کیا۔

(جاری ہے)

اس موقع پر ایوی ایشن ڈویژن، سول ایوی ایشن اتھارٹیاینٹی نارکوٹکس اور پی آئی اے کے متعلقہ حکام بھی موجود تھے۔ مشیر ہوابازی کو اس موقع پر منصوبے کی بروقت تکمیل اور آپریشنل تیاری کے حوالے سے ایک تفصیلی بریفنگ بھی دی گئی۔

سردار مہتاب کو بتایا گیا کہ 85 بلین کی لاگت سے تکمیل ہونے والا جدید سہولیات سے آراستہ پاکستان کا سب سے بڑا ائیر پورٹ بین الاقوامی معیار سے آراستہ ہے جبکہ اس جدید ائیر پورٹ پر سالانہ 9 ملین مسافروں کی گنجائش ہو گی نیز اس ائیر پورٹ پر کثیر المنزلہ کار پارکنگ، 15مسافر بورڈنگ لائوجزکی سہولیات بھی موجود ہو ں گی مشیر ہوابازی کو بتایاگیا کہ ائیر پورٹ پر 2رن ویز سمیت جدید لینڈنگ سسٹم اور بین الاقوامی معیار کا ریڈار سسٹم بھی نصب کیا گیا ہے۔

اس موقع پر مشیر ہوابازی نے ائیر پورٹ کے مختلف حصوں کا معائنہ کیا اور ہدایت کی کہ مقررہ ٹائم فریم کے مطابق کام کے معیار کو ہر صورت میں یقینی بنایا جائے۔ انہوں نے سول ایوی ایشن اتھارٹی اور پی آئی اے کے حکام کو ہدایت کہ کہ روابط کو مزید بہتر کیا جائے اور خامیوں کی نشاندہی کرکے اسے فوری طور پر حل کیا جائے تاکہ ائیر پورٹ کو مقررہ مدت میں آپریشنل کیا جا سکے ۔

سردار مہتاب احمد خان نے مزید ہدایت کی کے تمام ائیر لائینز کے آپریشنز کو یقینی بنانے کیلیے انکو بھی سہولیات فراہم کی جائیں ۔ انہوں نے ہدایت کی مسافروں کی سہولت کو مدنظر رکھتے ہوئے سائن بورڈز کو بہتر انداز میں نصب کیا جائے تاکہ وہ ان سے مطلوبہ راہنمائی حاصل کر سکیں۔ بعد ازاں مشیر ہوابازی نے ائیر پورٹ پر پودا بھی لگایا انھوں نے اس موقع پر اس عزم کا اعادہ کیا کہ موجود حکومت پی آئی اے کوہر ممکن انفراسٹیکچر مہیا کرنے کے لیے کوشاں ہے ۔