عائشہ گلالئی نے قانونی چارہ جوئی کرنے پر ن لیگ کو بھی جوابی دھمکی دے ڈالی

منگل 20 فروری 2018 23:03

اسلام آباد (اُردو پوائنٹ اخبار آن لائن۔ منگل 20 فروری 2018ء) عائشہ گلالئی نے قانونی چارہ جوئی کرنے پر ن لیگ کو بھی جوابی دھمکی دے ڈالی ہے۔ تفصیلات کے مطابق ن لیگ کی جانب سے قانونی چارہ جوئی کے اعلان پر تحریک انصاف کی منحرف رکن قومی اسمبلی عائشہ گلالئی کی جانب سے ردعمل دیا گیا ہے۔

(جاری ہے)

نجی ٹی وی چینل کے پروگرام سے گفتگو کرتے ہوئے کہا گیا ہے کہ ن لیگ نے فوج اور عدلیہ کیخلاف بیانات دینے پر انہیں اور ان کے والد کو بھی سینیٹ کا ٹکٹ دینے کی پیشن گوئی کی تھی۔

عائشہ گلالئی کا کہنا ہے کہ ن لیگ اگر ان کیخلاف قانونی چارہ جوئی کرنا چاہتی ہے تو شوق سے کرے وہ ڈرنے والی نہیں ہیں۔ ن لیگ نے قانونی چارہ جوئی کی تو وہ عدالت جا کر ن لیگ کیساتھ طے پانے والے معاملات کی تفصیلات منظر عام پر لے آئیں گی۔ واضح رہے کہ کچھ روز قبل ن لیگ نے عائشہ گلالئی کے الزامات کو مسترد کرتے ہوئے ان کیخلاف قانونی چارہ جوئی کرنے کا اعلان کیا تھا۔