ہمارا جتنا احتساب ہونا تھا ہو گیا اب جھوٹوں کی باری ہے، مریم نواز

پانامہ اور کرپشن الزامات میں رتی برابر بھی سچائی ہوتی تو اقامہ جیسا فیصلہ کبھی نہ آتا، ایک ہی کیس کو بار بار چلانے پر بھی کچھ نہیں ملا، مریم نواز کا ٹویٹ

پیر 19 فروری 2018 22:02

اسلام آباد(اُردو پوائنٹ اخبار آن لائن۔ پیر 19 فروری 2018ء) پاکستان مسلم لیگ (ن) کے صدر سابق وزیراعظم نواز شریف کی صاحبزادی مریم نواز نے کہا ہے کہ ہمارا جتنا احتساب ہونا تھا ہو گیا اب جھوٹوں کی باری ہے، پانامہ اور کرپشن الزامات میں رتی برابر بھی سچائی ہوتی تو اقامہ جیسا فیصلہ کبھی نہ آتا، ایک ہی کیس کو بار بار چلانے پر بھی کچھ نہیں ملا۔

(جاری ہے)

پیر کو سماجی رابطے کی ویب سائٹ ٹوئٹر پر اپنے ایک پیغام میں مریم نواز نے کہا کہ اقامہ جیسا کمزور اور بدنام زمانہ فیصلہ اس لیے آیا کیونکہ پانامہ میں کچھ نہیں نکلا، ہمارا جتنا احتساب ہونا تھا ہو گیا ہے اب جھوٹوں کی باری ہے۔ انہوں نے کہا کہ اگر پانامہ اور کرپشن الزامات میں رتی برابر بھی سچائی ہوتی تو اقامہ جیسا فیصلہ کبھی نہ آتا۔ ایک ہی کیس کو بار بار چلانے پر بھی کچھ نہیں ملا۔