خلیجی ملک سونے کے محفوظ ذخائر والے عرب ملکوں میں سرفہرست

عالمی سطح پر 8133.5 ٹن محفوظ ذخائر کے ساتھ امریکا کا پہلا نمبر ہے،ورلڈ گولڈ کونسل

ہفتہ 17 فروری 2018 11:40

ریاض ۔ (اُردو پوائنٹ اخبار آن لائن۔ ہفتہ 17 فروری 2018ء) عالمی گولڈ کونسل نے کہا ہے کہ سونے کے محفوظ اثاثے رکھنے والے عرب ممالک میں سعودی عرب سرفہرستہے۔

(جاری ہے)

ذرائع ابلاغ کے مطابق کونسل نے دنیا کے 98 ملکوں میں سونے کے محفوظ اثاثوں کے بارے میں ایک رپورٹ جاری کی ہے جس کے مطابق سعودی عرب سونے کے 322.9 ٹن ذخائر کے ساتھ عرب ملکوں میں سب سے زیادہ سونے کے ذخائر رکھنے والا ملک ہے۔

رپورٹ میں بتایا گیا ہے کہ ماہ رواں کے آغاز میں دنیا بھر میں سونے کے محفوظ ذخائر بڑھ کر 33790.8 ٹن ہوچکے ہیں جبکہ امریکا اس قیمتی دھات کے 8133.5 ٹن محفوظ ذخائر کے ساتھ پہلے نمبر پر ہے۔دوسرے نمبر پر جرمنی،اٹلی تیسرے نمبر پر،چین 1842.6ٹن کے ساتھ پانچویں جبکہ روس 1838.8ٹن سونے کے ساتھ چھٹے نمبر پر ہے۔

متعلقہ عنوان :