جاتی امرا میں بیٹھا نواز شریف زیاد ہ خطرناک ہے،سعد رفیق

کرتے ہوئے وزیر ریلوے خواجہ سعد رفیق کا کہنا تھا کہ ملک اس وقت آپسی لڑائی جھگڑے کا متحمل نہیں ہوسکتا امریکی بیانات ہم سب کے سامنے ہیں ہمیں ملکی بقا کے لئے قومی ایجنڈے پر ایک ہونا پڑے گا، اگر ادارے آپس میں لڑیں گے تو ملک آگے نہیں چلے گا، لاہور میں تقریب سے خطاب

اتوار 21 جنوری 2018 22:41

لاہور(اُردو پوائنٹ اخبار آن لائن۔ اتوار 21 جنوری 2018ء) وفاقی وزیرخواجہ سعدرفیق نے کہا ہے کہ وزیراعظم ہاؤس میں بیٹھا نوازشریف اتنا خطرناک نہیں تھا جتنا جاتی امرا میں بیٹھا خطرناک ہے۔ لاہور میں تقریب سے خطاب کرتے ہوئے وزیر ریلوے خواجہ سعد رفیق کا کہنا تھا کہ ملک اس وقت آپسی لڑائی جھگڑے کا متحمل نہیں ہوسکتا، امریکی بیانات ہم سب کے سامنے ہیں ہمیں ملکی بقا کے لئے قومی ایجنڈے پر ایک ہونا پڑے گا، اگر ادارے آپس میں لڑیں گے تو ملک آگے نہیں چلے گا۔

سعد رفیق کا کہنا تھا کہ مسلم لیگ (ن) پر ہمیشہ حملے کئے گئے اور اب بھی ہمیں بدنام کرنے کی کوشش کی جارہی ہے اور ہمارے خلاف پروپیگنڈا کیاجارہا ہے، ہمیں غیر ذمہ دارا نہ سمجھاجائے اور نا ہی ہماری باتوں کو کسی ادارے یا شخصیت پر حملہ تصور کیا جائے، ہم کسی سے لڑنا اور اداروں سے محاذ آرائی نہیں چاہتے، پاکستان مکمل طور پر آزاد ملک نہیں اسے آزاد ملک دیکھنا چاہتے ہیں۔

(جاری ہے)

وفاقی وزیرنے کہا کہ ہم محاذ آرائی کے بجائے ووٹ کا احترام چاہتیہیں، ہم نے کل بھی کہا تھا کہ نوازشریف کے ساتھ انصاف نہیں ہوا اور آج بھی اپنے مؤقف پر قائم ہیں چاہے ہمیں اپنے بیانات کی کوئی بھی قیمت ادا کرنی پڑے۔ سیاستدان کو قبر میں ڈال دو تو وہ قبر سے بھی سیاست کرتا ہے، وزیر اعظم ہاؤس میں بیٹھا نوازشریف انتاخطرناک نہیں تھا جتنا جاتی امرا میں بیٹھا ہواخطرناک ہے اب جلسوں میں لوگ یکجہتی اور محبت کا اظہار کرتے ہیں، بندکمروں کا فیصلہ نہیں چلے گا۔

ان کا کہنا تھا کہ ایک جماعت نے سندھ کو کھنڈر میں تبدیل کردیا ہے اور کرپٹ زرداری خدا کے لہجے میں بولتا ہے اور دوسری جانب اسمبلیوں سے تنخواہیں لینے والے قومی اسمبلی پر لعنت بھیجتے ہیں، عوام جان لیں کہ لعنت بھیجنے والوں کو نا ہی شرع کا پتہ ہے نا ہی اخلاق کا۔