سعودی عرب میں ٹریفک حادثہ؛عمرے پر گئے 4 پاکستانی زائرین جاں بحق ہوگئے

جمعرات 18 جنوری 2018 22:17

ریاض(اُردو پوائنٹ اخبار آن لائن۔ جمعرات 18 جنوری 2018ء):سعودی عرب میں القسیم مدینہ روڈ پر ٹریفک حادثہ پیش آیا ہے جس کے نتیجے میں عمرے پر گئے 4 پاکستانی زائرین جاں بحق ہوگئے۔تفصیلات کے مطابق سعودی عرب میں ایک گاڑی کو حادثہ پیش آیا جس میں سوار 4 افراد جاں بحق جب کہ ڈرائیور زخمی ہوگیا۔ ٹریفک حادثہ مدینہ روڈ پر القسیم کے قریب پیش آیا۔

(جاری ہے)

جاں بحق افراد اور زخمی کی شناخت ہوگئی ہے۔ تمام افراد کا تعلق پاکستان کے ضلع لوئر دیر کے علاقے میدان سے تھا۔ چاروں افراد آپس میں دوست تھے جو عمرے کی ادائیگی کے لیے سعودی عرب گئے تھے اور ایک ہی گاؤں کے رہنے والے تھے۔ جاں بحق ہونے والوں میں انور زمین ،نعیم اللہ، واحد گل، سلطان باچا شامل ہیں جن کی عمریں 20سے 25 سال کےدرمیان تھیں۔ واقعے میں گاڑی کا ڈرائیور آدم خان شدید زخمی ہوگیا ہے جسے طبی امداد کے لیے اسپتال منتقل کردیا گیا ہے۔