بشریٰ بی بی ہمیشہ پردہ کرتی ہیں ،ْ ملاقات پردہ میں ہوتی تھی ،ْعمران خان

شادی کی پیشکش کر نا میرا ذاتی معاملہ ہے ،ْ مجھے بلیک میل کرنے کیلئے پروپیگنڈہ کیا گیا ،ْ بات آگے بڑھتی تو سب کو بتاتا ،ْشریف فیملی سے متعلق اتنا علم ہے بتائوں تو عوام کو منہ نہ دکھا سکیں ،ْتنقید کرنے والوں کو معرفت کے بارے میں کچھ پتہ نہیں، جمہوری آدمی ہوں اور اپنے فیصلے خود کرتا ہوں، نجی ٹی وی کے پروگرام میں اظہارخیال

جمعرات 11 جنوری 2018 23:03

اسلام آباد (اُردو پوائنٹ اخبار آن لائن۔ جمعرات 11 جنوری 2018ء)پاکستان تحریک انصاف کے سربراہ عمران خان نے کہا ہے کہ بشریٰ بی بی ہمیشہ پردہ کرتی ہیں ،ْ ملاقات پردہ میں ہوتی تھی ،ْ شادی کی پیشکش کر نا میرا ذاتی معاملہ ہے ،ْ مجھے بلیک میل کرنے کیلئے پروپیگنڈہ کیا گیا ،ْ بات آگے بڑھتی تو سب کو بتاتا ،ْشریف فیملی سے متعلق اتنا علم ہے بتائوں تو عوام کو منہ نہ دکھا سکیں ،ْتنقید کرنے والوں کو معرفت کے بارے میں کچھ پتہ نہیں، جمہوری آدمی ہوں اور اپنے فیصلے خود کرتا ہوں۔

جمعرات کو نجی ٹی وی کے پروگرام میںاپنی ممکنہ شادی کے متعلق بات کرتے ہوئے کہا کہ بشری بی بی ہمیشہ پردہ کرتی ہیں، شادی کی پیشکش کرنا میرا ذاتی معاملہ ہے، آج تک ان سے جب ملا انہوں نے مکمل پردہ کیا ہوا ہوتا تھا۔

(جاری ہے)

عمران خان نے کہا کہ میرے خاندان کو شادی کی پیشکش کا نہیں پتا تھا ،ْ بشری بی بی کی فیملی کو نقصان پہنچایا گیا ،ْاگر بات آگے بڑھتی تو میں سب کو بتاتا۔

انہوں نے کہا کہ مجھے بلیک میل کرنے کیلئے پروپیگنڈا کیا گیا، بشری بی بی کی طلاق ہونے پر ان کو شادی کی پیشکش کی ،ْشادی کی پیشکش کرنا میرا ذاتی معاملہ ہے۔ انہوں نے کہا کہ شریف فیملی سے متعلق اتنا علم ہے ،ْ بتائوں تو وہ عوام کو منہ نہ دکھا سکیں۔چیئرمین پی ٹی آئی نے بتایا کہ میرے خاندان کو شادی کی پیشکش کا نہیں پتا تھا ،ْاگر بات آگے بڑھتی تو میں سب کو بتاتا ،ْبشری بی بی سے 2 سال پہلے ملاقات ہوئی، مگر 30 سال پہلے میرا روحانی سفر شروع ہو چکا تھا۔

انہوں نے بتایا کہ صوفی ازم پڑھنے سے میرا ایمان اور مضبوط ہوا، پہلے میاں بشیر میری رہنمائی کرتے رہے، کہا گیا کہ میں تمام فیصلے روحانی پیر سے پوچھ کر کرتا ہوں، تنقید کرنے والوں کو معرفت کے بارے میں کچھ پتہ نہیں، جمہوری آدمی ہوں اور اپنے فیصلے خود کرتا ہوں، معرفت یا بشری بی بی کا میری سیاسی زندگی اور دیگر روزمرہ فیصلوں سے قطعا کوئی تعلق نہیں، میں ان سے صرف روحانی امور میں مدد لیتا ہوں، ابن عربی اور مولانا روم کو سمجھنے میں ان سے مدد لیتا ہوں، میرے بارے میں بشری بی بی سے پوچھ کر لاہور والا گھر گروانے کی یا پہاڑوں پر جانے کی باتیں چلائیں، وہ یکسر غلط اور بے بنیاد ہیں۔

انہوں نے بتایا کہ زمانہ طالبعلمی میں انہوں نے انگلینڈ میں ایک سٹور پر تیف ہفتے کیلئے ملازمت کی مگر سٹور والوں نے انہیں 10 روز بعد ہی نکال دیا تھا۔ایک سوال پر عمران خان نے کہا کہ انہوں نے آج تک بشری بی بی کا چہرہ نہیں تھا، وہ پردہ کرتی ہیں اور ان کی فیملی قدامت پسند ہے۔عمران خان نے کہا کہ میری عمر65 سال ہے اور صرف 10 سال کی شادی شدہ زندگی گزاری، چاہتا ہوں بقیہ زندگی پرسکون اور خوش گزاروں۔