برطانیہ ، سینے سے باہر دل کے ساتھ پیدا ہونے والی بچی کا آپریشن

ڈاکٹرزپر مشتمل ٹیم نے ننھی اورخوب صورت بچی کا کامیاب آپریشن کرکے اس کی زندگی بچالی

جمعرات 14 دسمبر 2017 12:40

لندن(اُردو پوائنٹ اخبار آن لائن۔ جمعرات 14 دسمبر 2017ء)برطانیہ کے شہر لیسٹر میں ایک نومولود بچی کا منفرد آپریشن کیا گیا جو برطانیہ میں اپنی نوعیت کا پہلا آپریشن ہے۔برطانوی ٹی وی کے مطابق وینلپ ہوپ ویکنز نامی بچی 22 نومبر کو لیسٹر کے گلین فیلڈ ہسپتال میں پیدا ہوئی تو اس کا دل جسم سے باہر تھا۔ ڈاکٹروں کو دوران حمل ہی اس بات کا معلوم ہو چکا تھا اور ان کے خیال میں بچّی کا پیدا ہونے کے بعد زندہ رہنا مشکل ہو گا۔

(جاری ہے)

تاہم انسان کو کسی حال میں بھی امید کا دامن ہاتھ سے نہیں چھوڑنا چاہیّے۔بہرکیف بچی کے پیدا ہونے کے ایک گھنٹے بعد ہی اس کا آپریشن شروع کیا گیا جب کہ آپریشن کی کامیابی کے امکانات 10% سے زیادہ نہیں تھے۔ یہ آپریشن درحقیقت تین مرحلوں پر مشتمل تھا جس کا مقصد بچی کے دل کو سینے کے اندر منتقل کرنا تھا۔ اس کے لیے پہلے بچّی کے سینے میں مصنوعی پسلیاں لگائی گئیں۔انتہائی پیچیدہ اور حساس نوعیت کے اس آپریشن میں تقریبا ڈاکٹروں ، معاونین اور نرسوں پر مشتمل تقریبا 50 افراد کا گروپ شریک تھا جو پروردگار کے حکم سے اس ننھی اور خوب صورت بچّی کی زندگی بچانے میں کامیاب ہو گیا۔