پیر حمید الدین سیالوی کا حکومت سے علیحد گی کا اعلان

صرف وزیرقانون رانا ثنا اللہ نہیں ،ْ دیگر اراکین اسمبلی کو بھی مستعفی ہونا پڑے گا ،ْ میڈیا سے بات چیت حکومت سے اجازت ملے یا نہ ملے 10 دسمبر کو دھوبی گھاٹ فیصل آباد میں جلسہ ہوگا

بدھ 6 دسمبر 2017 21:33

سرگودھا(اُردو پوائنٹ اخبار آن لائن۔ بدھ 6 دسمبر 2017ء)پیر حمید الدین سیالوی نے حکومت سے علیحد گی کا اعلان کرتے ہوئے کہا ہے کہ اب صرف وزیرقانون رانا ثنا اللہ نہیں بلکہ دیگر اراکین اسمبلی کو بھی مستعفی ہونا پڑے گا۔

(جاری ہے)

میڈیا سے بات چیت کرتے ہوئے پیر حمید الدین سیالوی کا کہنا تھا کہ وزیرقانون پنجاب رانا ثنا اللہ کے استعفے کے معاملے پر حکومت کو کافی وقت دے دیا ہے، لیگی رہنما استعفوں کے معاملے پر مسلسل جھوٹ بول رہے ہیں اور اس پر ہم پر انگلیاں اٹھ رہی ہیں کہ ہماری حکومت سے ڈیل ہو گئی ہے، اس لیے میں حکومت سے علیحدگی کا اعلان کرتا ہوں اور اب صرف رانا ثنا اللہ کا استعفیٰ نہیں لیا جائے گا بلکہ استعفوں کی تعداد میں اضافہ ہوگا۔

پیر حمید الدین سیالوی کا کہنا تھا کہ حکومت سے اجازت ملے یا نہ ملے 10 دسمبر کو دھوبی گھاٹ فیصل آباد میں جلسہ ہوگا اور رانا ثنا ء اللہ کے استعفے تک تحریک جاری رہے گی جبکہ جو افراد ختم نبوت سے متعلق آئینی ترمیم کے ذمہ دار ہیں ان کو سزا دینے تک احتجاج جاری رہے گا۔