پی ٹی آئی کا ضیاء اللہ آفریدی کی نااہلی کا ریفرنس نہ بھجوانے کا فیصلہ

پیر 25 ستمبر 2017 22:26

پشاور(اُردو پوائنٹ اخبارآن لائن۔26ستمبر ۔2017ء) تحریک انصاف نے آئندہ عام انتخابات میں کم وقت رہ جانے کے باعث سابق وزیر ضیاء اللہ آفریدی کی پیپلزپارٹی میں شمولیت کے باوجود انکی نااہلی کا ریفرنس نہ بھیجنے پر اتفاق کیا ہے تاکہ ضمنی الیکشن سے بچا جا سکے۔سابق وزیر معدنیات ضیاء اللہ آفریدی کی پاکستان پیپلزپارٹی کے شریک چیئرمین آصف علی زرداری سے ملاقات کے وقت تحریک انصاف نے ضیاء اللہ آفریدی کو اسمبلی رکنیت سے نااہل قراردلوانے کیلئے اسپیکر کو ریفرنس بھیجنے پر اتفاق کیا تھا کہ جب وہ باقاعدہ شمولیت اختیار کرلیں تب ہی ریفرنس کے بارے میں غور کیا جائے گا اب جب کہ ضیاء اللہ آفریدی باقاعدہ پیپلزپارٹی میں شامل ہو چکے ہیں اس کے باوجود تحریک انصاف کی قیادت ان کی نااہلی کے لئے ریفرنس بھجوانے سے گریز کر رہی ہے۔

(جاری ہے)

ذرائع کے مطابق آئندہ عام انتخابات میں چند ماہ ہیں اور اگر اس دوران ضیاء اللہ آفریدی کو نااہل قراردلوایا جائے تو پی کے ون پشاور میں ضمنی انتخابات میں حکمران جماعت کو اگر شکست ہو گئی تو اس کے اثرات عام انتخابات پر مرتب ہونگے، اس لئے تحریک انصاف کی جانب سے انتخابی معرکے سے بچنے کیلئے ریفرنس بھجوانے سے گریز کیا جا رہا ہے۔ ذرائع نے بتایا کہ اگر پارٹی قیادت نے فیصلہ کر لیا تو اس صورت میں ریفرنس بھجوانے میں ایک منٹ کی بھی تاخیر نہیں کی جائے گی۔

Facebook Twitter Google + Share on Whatsapp

پی ٹی آئی کا ضیاء اللہ آفریدی کی نااہلی کا ریفرنس نہ بھجوانے کا فیصلہ

منگل 26 ستمبر 2017 کی مزید خبریں