نواز شریف جو چاہتا تھا وہی ٹرمپ نے کہا ،ہمیں دھمکیاں دینے سے پہلے جان لیں یہ پاکستان ہے اور ہم مسلمان ہیں‘ آصف زرداری

پاکستانیوں کی قربانیاں امریکیوں سے کہیں زیادہ ہیں ، اگر امریکہ حساب برابر کرنا چاہتا ہے تو ہم پہلے اسکے ساتھ پائی پائی کا حساب کرینگے نواز شریف کی حکومت کو صرف جمہوریت کیلئے بچایا ،ہمیں پاکستان کو سخت جدوجہد اور ذہانت سے بچانا ہے‘ بلاول ہائوس میں کارکنوں سے خطاب صرف پیپلزپارٹی ہی امریکی صدر کی آنکھوں میں آنکھیں ڈال کر بات کر سکتی ہے،آصف زرداری نے کبھی امریکی دبا ئو قبول نہیں کیا‘ بلاول بھٹو

منگل 22 اگست 2017 23:02

لاہور (اُردو پوائنٹ اخبار آن لائن۔ بدھ 23 اگست 2017ء) سابق صدر آصف علی زرداری نے کہا ہے کہ نواز شریف جو چاہتا تھا وہی ڈونلڈ ٹرمپ نے کہا لیکن وہ دھمکیاں دینے سے پہلے جان لیں کہ یہ پاکستان ہے اور ہم مسلمان ہیں، پاکستانیوں کی قربانیاں امریکیوں سے کہیں زیادہ ہیں ، اگر امریکہ پاکستان کے ساتھ حساب برابر کرنا چاہتا ہے تو ہم پہلے اس کے ساتھ پائی پائی کا حساب کریں گے، نواز شریف کی حکومت کو صرف جمہوریت کے لئے بچایا ،ہمیں پاکستان کو سخت جدوجہد اور ذہانت سے بچانا ہے ۔

ان خیالات کا اظہار انہوں نے گزشتہ روز بلاول ہائوس لاہور میں حلقہ این اے 120کے انتخاب کے حوالے سے کارکنوں کے اجلاس سے خطاب کرتے ہوئے کیا ۔ اس موقع پر پیپلز پارٹی کے چیئرمین بلاول بھٹو زرداری ، قمر زمان کائرہ ، شیری رحمان ، عزیز الرحمن چن ، ندیم افضل چن ، اسلم گل اور فائزہ ملک سمیت دیگر پارٹی رہنما بھی موجود تھے۔

(جاری ہے)

آصف علی زرداری نے کہا کہ مجھے پاکستان کا درد ہے اس لیے ٹرمپ کی تقریر سننے کے لئے رات بھر جاگتا رہا، نوازشریف جو چاہتا تھا وہی ٹرمپ نے آج کہا لیکن ٹرمپ کو معلوم ہونا چاہیے کہ یہ پاکستان ہے افغانستان نہیں۔

ڈونلڈ ٹرمپ ہمیں دھمکیاں نہ دیں ہم پاکستانی اور مسلمان ہیں ، اگر امریکہ جنگ کرنا چاہتا ہے تو افغانستان میں جا کر لڑے۔ انہوں نے کہا کہ پاکستانیوں کی قربانیاں امریکیوں سے کہیں زیادہ ہیں، اگر امریکہ پاکستان کے ساتھ حساب برابر کرنا چاہتا ہے تو ہم پہلے اس کے ساتھ پائی پائی کا حساب کریں گے۔انہوں نے کہا کہ نوازشریف نریندر مودی کا دوست ہے اس لیے امریکہ میں کوئی لاء بیسٹ مقرر نہیں کیا۔

ہم نے جمہوریت کی خاطر نوازشریف کا ساتھ دیا کیونکہ جمہوریت جتنی بھی خراب ہو وہ آمریت سے بہتر ہے۔انہوں نے کہا کہ نوازشریف کے اعمال ایسے نہیں تھے کہ وہ پانچ سال پورے کرتے ،ہمیں پاکستان کو سخت جدوجہد اور ذہانت سے بچانا ہے ۔ آصف زرداری نے کہا کہ این اے 120 کا پیپلزپارٹی اور کارکنوں کا الیکشن ہے۔ اس موقع پر بلاول بھٹو زرداری نے کہا کہ فیصل میر پیپلزپارٹی کے امیدوار ہیں، ان کی ہر ممکن حمایت کی جائے اور کارکن این اے 120 میں جیت کے لیے پوری جان لگا دیں،پیپلزپارٹی کی کامیابی ملک میں کامیابی کی اہم سنگ میل ثابت ہو گی۔

انہوں نے کہا کہ صرف پیپلزپارٹی ہی امریکی صدر کی آنکھوں میں آنکھیں ڈال کر بات کر سکتی ہے،آصف زرداری نے کبھی امریکی دبا ئو قبول نہیں کیا، آصف زرداری نے امریکیوں کی سلالہ ائربیس سے موجودگی کو ختم کیا۔علاوہ ازیں سابق صدر آصف زرداری سے وزیر اعلیٰ سندھ سید مراد علی شاہ نے ملاقات کی اور وزیر اعظم شاہد خان عباسی سے ہونے والی ملاقات سے آگاہ کیا ۔

Facebook Twitter Google + Share on Whatsapp

مزید متعلقہ خبریں پڑھئیے‎ :

Former cricketers criticized Pakistan's decision to bench Imad Wasim
Imad, who made a comeback to international cricket, ..

سابق کرکٹرز کی پاکستان کی جانب سے عماد وسیم کو بینچ پر بٹھانے کے فیصلے پر تنقید

جمعہ 19 اپریل 2024 - 14:15

Pakistan's possible playing XI for the second T20 against New Zealand has been revealed
A possible XI is expected to be ..

نیوزی لینڈ کیخلاف دوسرے ٹی ٹونٹی کیلئے پاکستان کی ممکنہ پلیئنگ الیون سامنے آگئی

جمعہ 19 اپریل 2024 - 13:29

اسلام سے نفرت کرنے والا امریکی فوجی اسلام کی تبلیغ کرنے لگا

جمعہ 19 اپریل 2024 - 13:27

سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات ..

جمعہ 19 اپریل 2024 - 13:21