وزیر خزانہ سینیٹر اسحاق ڈار نے پاناما کیس کے فیصلے کیخلاف سپریم کورٹ میں نظر ثانی کی درخواست دائر کردی

اسحاق ڈار کی نظر ثانی کی درخواست 9 صفحات پر مشتمل ہے ،ْپاناما کیس کے فیصلے کو کالعدم قرار دینے کی درخواست کی گئی آئین کے آرٹیکل 3/184 کے تحت بنیادی انسانی حقوق سلب نہیں کیے جاسکتی،ْ درخواست میں موقف

پیر 21 اگست 2017 13:51

اسلام آباد(اُردو پوائنٹ اخبار آن لائن۔ منگل 22 اگست 2017ء)وفاقی وزیر خزانہ سینیٹر اسحاق ڈار نے پاناما کیس کے فیصلے کے خلاف سپریم کورٹ میں نظر ثانی کی درخواست دائر کردی۔تفصیلات کے مطابق سپریم کورٹ نے 28 جولائی کو پاناما کیس کا فیصلہ سنایا جس میں وزیر خزانہ اسحاق ڈار پر آمدن سے زائد اثاثے رکھنے کا الزام ہے جس پر سپریم کورٹ نے ان کے خلاف نیب کو ریفرنس دائر کرنے کا حکم دیا ۔

نجی ٹی وی کے مطابق وزیر خزانہ اسحاق ڈار نے فیصلے کیخلاف سپریم کورٹ میں نظر ثانی کی درخواست اپنے وکلا کے ذریعے دائر کی جو شاہد حامد اور ڈاکٹر طارق حسن نے دائر کی۔اسحاق ڈار کی نظر ثانی کی درخواست 9 صفحات پر مشتمل ہے جس میں پاناما کیس کے فیصلے کو کالعدم قرار دینے کی درخواست کی گئی ہے۔

(جاری ہے)

درخواست میں مؤقف اپنایا گیا کہ سپریم کورٹ کی جانب سے جے آئی ٹی ممبران کی تعریف درخوست گزار کے حق کو متاثر کرتی ہے جبکہ اسحاق ڈار نے الیکشن کمیشن میں تمام ملکی و غیر ملکی اثاثہ جات ظاہر کیے ہیں اس لیے فیصلہ بنیادی انسانی حقوق کی خلاف ورزی ہے۔

درخواست میں کہا گیا ہے کہ آئین کے آرٹیکل 3/184 کے تحت بنیادی انسانی حقوق سلب نہیں کیے جاسکتے۔درخواست کے مطابق جے آئی ٹی رپورٹ پر دلائل تین ججوں نے سنے اور فیصلہ پانچ ججوں نے دیا لہٰذا فیصلے میں قانونی سقم ہیں جبکہ ٹرائل کورٹ میں ریفرنس کی نگرانی کیلئے جج کی تعیناتی آئین کی خلاف ورزی ہے۔درخواست میں استدعا کی گئی کہ جب تک پاناما کیس کے فیصلے کے خلاف نظر ثانی کی درخواست پر فیصلہ نہیں آتا تب تک ریفرنس دائر کرنے کے فیصلے پر بھی عملدرآمد روکا جائے ۔واضح رہے کہ نیب نے اسحاق ڈار کو بھی طلب کررکھا ہے جبکہ پاناما کیس فیصلے کے خلاف نوازشریف بھی نظرثانی کی اپیلیں دائر کرچکے ہیں۔

Facebook Twitter Google + Share on Whatsapp

مزید متعلقہ خبریں پڑھئیے‎ :

سعودی عرب نے مشکل وقت میں ہمیشہ پاکستان کا ساتھ دیاہے، پاکستان باہمی تجارت اور سرمایہ کاری کے شعبوں میں تعاون کے فروغ کا خواہاں ہے، وزیراعظم محمد ..

منگل 16 اپریل 2024 - 14:56

سعودی وزیرخارجہ کی قیادت میں وفد کی آمد دونوں ملکوں کے درمیان شراکت داری کے نئے دور کا آغاز ہے. شہبازشریف

منگل 16 اپریل 2024 - 14:25

وزیر اعظم سے سعودی وزیر خارجہ کی سربراہی میں وفد کی ملاقات ، فلسطین کے مقبوضہ علاقوں کی بگڑتی ہوئی صورتحال پر گفتگو

منگل 16 اپریل 2024 - 13:20

منگل 16 اپریل 2024 - 13:12

سٹاک ایکسچینج میں نیا ریکارڈ قائم، انڈیکس 71 ہزار پوائنٹس کی سطح عبور کرگیا

منگل 16 اپریل 2024 - 11:41

این اے 81 گوجرانوالہ سے پی ٹی آئی کے امیدوار بلال اعجاز کی کامیابی کا نوٹی فکیشن بحال

منگل 16 اپریل 2024 - 11:04

وزیر خزانہ سینیٹر اسحاق ڈار نے پاناما کیس کے فیصلے کیخلاف سپریم کورٹ میں نظر ثانی کی درخواست دائر کردی

مزید متعلقہ خبریں پڑھئیے‎ :

متعلقہ عنوان :

منگل 22 اگست 2017 کی مزید خبریں