آمروں کے دور میں سوچے سمجھے منصوبے کے تحت ملک میں ادب کے کلچر کا خاتمہ کیا گیا،

ہمیں بحیثیت قوم اپنی سمت کا تعین کرنا پڑے گا ْچیئرمین سینیٹ میاں رضا ربانی کا اشرف شاد کی کتاب ’’ جج صاحب ‘‘ کی تقریب رونمائی سے خطاب

جمعہ 11 اگست 2017 22:42

اسلام آباد ۔ (اُردو پوائنٹ اخبار آن لائن۔ ہفتہ 12 اگست 2017ء) چیئرمین سینیٹ میاں رضا ربانی نے کہا ہے کہ آمروں کے دور میں ایک سوچے سمجھے منصوبے کے تحت ایسی پالیسی اپنائی گئی جس سے ملک میں ادب کے کلچر کا خاتمہ کردیا گیا اور ترقی پسندانہ سوچ کو دبانے کی کوشش کی گئی ۔ انہوں نے کہا کہ دانشور طبقے طلباء اور محنت کشوں نے آمریت کے خلاف آواز اٹھائی اور اس کے نتیجے میں طلباء تنظیموں اور ٹریڈ یونین اور ٹی ہاؤس کلچرپر پابندی لگا کر جمہوریت کے لیے اہم فکری عمل کو دبایا گیا ۔

چیئرمین سینٹ نے ان خیالات کا اظہار لوک ورثہ اسلام آباد میں جمعہ کو اشرف شاد کی کتاب ’’ جج صاحب ‘‘ کی تقریب رونمائی سے خطاب کرتے ہوئے کیا۔ انہوں نے کہا کہ اب وقت آگیا ہے کہ بحیثیت قوم ہمیں اپنی سمت کا تعین کرنا پڑے گااور جن اندرونی و بیرونی خطرات کی گھنٹیاں بھج رہی ہیں ان کا اتحاد و اتفاق سے مقابلہ کرنا پڑے گا ورنہ تاریخ ہمیں معاف نہیں کرے گی۔

(جاری ہے)

انہوں نے کہا کہ ہمارا عدل کا نظام ایسا ہے جہاں آئین کے مطابق سب شہری تو برابر ہیں مگر درحقیقت عام آدمی کے لیے ایک طرح کا قانون اور امیر اور طاقتور کے لیے دوسری طرح کا قانون نافذالعمل ہے ۔انہوں نے کہا کہ اگرچہ ہمیں مشکلات کا سامناہے لیکن ہماری قوم ایک عظیم قوم ہے اور یہ مسائل پر قابو پاکر عزم اور استقلال کے ساتھ دوبارہ ابھرے گی۔انہوں نے کہا کہ اس ملک میں ہم نے دہشتگردی اور آمریت کے خلاف عوامی مزاحمت دیکھی ہے ۔ ملک کے اداروں کو آئین کے تحت اپنا کردار ادا کرنا ہوگااور جس ترقی پسندانہ سوچ کا خاتمہ کیا گیا اسے دوبارہ پھلنے پھولنے کا موقع دینا ہوگا۔ تقریب میں ادب کے شعبے سے تعلق رکھنے والے نامور دانشوروں، ادیبوں اور مختلف شعبہ زندگی نے شرکت کی۔

Facebook Twitter Google + Share on Whatsapp

مزید متعلقہ خبریں پڑھئیے‎ :

بلاول بھٹو زرداری سے بشیر ریاض و دیگر کی ملاقات ، موجودہ صورتحال پر گفتگو

جمعرات 18 اپریل 2024 - 19:14

پارلیمنٹ کا مشترکہ اجلاس،صدر زرداری کا خطاب، اپوزیشن کا احتجاج اور شور شرابا

جمعرات 18 اپریل 2024 - 18:28

سپیکرایازصادق اور چیئرمین سینیٹ نے پارلیمان کے مشترکہ اجلاس کی مشترکہ صدارت کی

جمعرات 18 اپریل 2024 - 18:23

پارلیمنٹ کا مشترکہ اجلاس،آصف زرداری کے خطاب کے دوران پی ٹی آئی اراکین کا شورشرابہ واحتجاج

جمعرات 18 اپریل 2024 - 16:52

چیئرمین سینیٹ سے مرکزی رہنما پاکستان پیپلز پارٹی و سابق اپوزیشن لیڈر سید خورشید احمد شاہ کی ملاقات

جمعرات 18 اپریل 2024 - 15:42

یوسف رضا گیلانی سے سردارایاز صادق کی ملاقات ،بہترین عوامی مفاد میں قانون سازی کے حوالے سے گفتگو

جمعرات 18 اپریل 2024 - 15:42

آمروں کے دور میں سوچے سمجھے منصوبے کے تحت ملک میں ادب کے کلچر کا خاتمہ کیا گیا،

ہمیں بحیثیت قوم اپنی سمت کا تعین کرنا پڑے گا ْچیئرمین سینیٹ میاں رضا ربانی کا اشرف شاد کی کتاب ’’ جج صاحب ‘‘ کی تقریب رونمائی سے خطاب

مزید متعلقہ خبریں پڑھئیے‎ :

متعلقہ عنوان :

ہفتہ 12 اگست 2017 کی مزید خبریں