کشمالہ طارق خواجہ آصف کے توسط سے شاہد خاقان عباسی کے فلیٹ میں رہ رہی ہیں،فردوس عاشق اعوان

کشمالہ نے خواجہ آصف کے اکائونٹ میں 16 کروڑ ٹرانسفر کرائے‘ ،انکے بیرون ملک سفر کے اخراجات وزارت پانی و بجلی ادا کرتی ہے، میڈیا سے گفتگو

بدھ 26 جولائی 2017 20:46

اسلام آباد (اُردو پوائنٹ اخبار آن لائن۔ جمعرات جولائی ء) پاکستان تحریک انصاف کی راہنماء فردوس عاشق اعوان نے انکشاف کیا ہے کہ مسلم لیگ (ق) کی راہنماء کشمالہ طارق خواجہ آصف کے توسط سے شاہد خاقان عباسی کے فلیٹ میں رہ رہی ہیں‘ کشمالہ نے خواجہ آصف کے اکائونٹ میں 16 کروڑ ٹرانسفر کرائے‘ کشمالہ طارق کے بیرون ملک سفر کے اخراجات وزارت پانی و بجلی ادا کرتی ہے۔

بدھ کے روز اسلام آباد میں میڈیا سے گفتگو کرتے ہوئے پاکستان تحریک انصاف کے راہنماء فردوس عاشق اعوان نے کہا کہ مسلم لیگ (ق) کی راہنماء کشمالہ طارق ایان علی ٹو ہیں‘ کشمالہ طارق نے سولہ کروڑ روپے خواجہ آصف کے اکائونٹ میں ٹرانسفر کرائے ‘ خواجہ آصف نے ایک کروڑ کا فلیٹ کمرسل کراکر پچیس کروڑ روپے کا کرایا‘ خواجہ آصف نے پلاٹ کمرشل کرانے کیلئے وزارت دفاع کا استعمال کیا۔

(جاری ہے)

انہوں نے کہا کہ کشمالہ طارق خواجہ آصف کے توسط سے پارلیمنٹ لاجز میں وزیر پیٹرولیم شاہد خاقان عباسی کے فلیٹ میں رہ رہی ہیں‘ خواجہ آصف وضاحت کریں کہ ان کا کشمالہ طارق سے کیا رشتہ ہے اور وہ کس حیثیت سے پارلیمنٹ لاجز میں رہ رہی ہیں فردوس عاشق اعوان نے کشمالہ طارق کو ایان علی ٹو قرار دیتے ہوئے کہا کہ ایان علی ٹو کے بارے میں مزید انکشافات کروں گی۔