چوہدری نثار 35سال سے (ن) لیگ سے وابستہ ہیں ، میان برادران اور چوہدری نثار کے مابین کوئی اختلاف نہیں ہے ، (ن) لیگ کیساتھ ان کی سیاسی وابستگی پر قائدین کو فخر ہے ، کبھی دھاندلی ،کرپشن ،پانامہ اور کبھی کسی اور نام سے ہنگامے کھڑے کرنے والے ناکام رہیں گے ، وقت آنے پر سب راز کھل جائیں گے ، پاکستان کو آگے بڑھنے سے روکنے کی کوشش کامیاب نہیں ہوگی ، کوئی بھی سازش آئے سی پیک کو کامیاب بنائیں گے ، سی پیک منصوبہ پاکستان مغربین چین اور خطے کیلئے گیم چینجر کامیابی کیلئے خطے میں امن واستحکام ضروری ہے مگر چند سازشی عناصر اسے مکمل ہوتا نہیں دیکھنا چاہتے ، جے آئی ٹی کے پیچھے چھپنے والے میدان میں مقابلہ کریں ، سازش کرنے والے آئندہ بھی الیکشن نہیں جیت سکتے ، ہزار بار آسمان سر پر اٹھائو عوام کی خدمت نہیں روک سکتے،مسلم لیگ (ن) کے رہنما طلال چوہدری کا تقریب سے خطاب

اتوار 16 جولائی 2017 20:11

جڑانوالہ(اُردو پوائنٹ اخبار آن لائن۔ پیر جولائی ء)پاکستان مسلم لیگ (ن) کے رہنما طلال چوہدری نے کہا ہے کہ چوہدری نثار 35سال سے (ن) لیگ سے وابستہ ہیں ، میان برادران اور چوہدری نثار کے مابین کوئی اختلاف نہیں ہے ، (ن) لیگ کیساتھ ان کی سیاسی وابستگی پر قائدین کو فخر ہے ، کبھی دھاندلی ،کرپشن ،پانامہ اور کبھی کسی اور نام سے ہنگامے کھڑے کرنے والے ناکام رہیں گے ، وقت آنے پر سب راز کھل جائیں گے ، پاکستان کو آگے بڑھنے سے روکنے کی کوشش کامیاب نہیں ہوگی ، کوئی بھی سازش آئے سی پیک کو کامیاب بنائیں گے ، سی پیک منصوبہ پاکستان مغربین چین اور خطے کیلئے گیم چینجر کامیابی کیلئے خطے میں امن واستحکام ضروری ہے مگر چند سازشی عناصر اسے مکمل ہوتا نہیں دیکھنا چاہتے ، جے آئی ٹی کے پیچھے چھپنے والے میدان میں مقابلہ کریں ، سازش کرنے والے آئندہ بھی الیکشن نہیں جیت سکتے ، ہزار بار آسمان سر پر اٹھائو عوام کی خدمت نہیں روک سکتے ۔

(جاری ہے)

طلال چوہدری نے کہا کہ مخالفین کو تکلیف ہے کہ پاکستان ترقی کیوں کر رہا ہے ، ملک میں روشنیاں لوٹ رہی ہیں ، دہشت گردی کا خاتمہ ہوچکا ہے ، (ن) لیگ کی حکومت نے عوام کی فلاح ،خوشحالی اور معاشی ترقی کیلئے بے مثال اقدامات کئے ہیں ، مسلم لیگ (ن) کو ا۱قتدار ملا تو پاکستان بدترین اندرونی وبیرونی مسائل سے گھرا ہوا تھا ، چار برس کے دوران وزیراعظم پاکستان میاں نوازشریف کی قیادت میں تعمیروترقی کا تاریخی سفر کامیابی سے آگے بڑھایا گیا ہے اور مسلم لیگ (ن) ملک کو مسائل کے گرداب سے نکال کرترقی کی راہ پر ڈالنے میں کامیاب ہوئی ہے،ورثے میں ملی تباہ حال معیشت کو بحال کر کے مضبوط بنیادوں پر استوار کیا گیا ہے ، توانائی کے خاتمہ اور اقتصادی جمود کو توڑنے کی مخلصانہ کاوشیں کامیابی سے ہمکنار ہوئی ہے اورآج کا پاکستان 2013سے کہیں بہتر ، پر امن اور معاشی طور پر مضبوط ہے ، بلاشبہ ملک کی تیز رفتار ترقی کا کریڈیٹ وزیراعظم کی مدبرانہ قیادت اور شاندار پالیسیوں کو جاتا ہے ۔

طلال چوہدری نے کہا کہ عمران خان چور دروازے کے ذریعے اقتدار حاصل نہیں کرسکتے ، تحریک انصاف کی سیاست کا تمام دارومدار سازشوں ، الزام تراشی پر ہوتا ہے ، عمران خان کی توقعات کا دارومدار جے آئی ٹی کی ایسی دستاویز ہے جس کے مندرجات تضادات کا شکار ہیں ،تلاشی کی باری اب عمران خان کی ہے ، 2018کے انتخابات میں بھی ہر تھیلے سے شیر نکلے گا ، یقین ہے کہ ملک کی اعلیٰ عدلیہ جے آئی ٹی رپورٹ مسترد کردے گی ، ماضی کی طرح مستقبل میں بھی (ن) لیگ کے خلاف سازشیں ناکام ہوں گی ، حکومت نے ملک کو ترقی کی راہ پرڈال دیا ہے ، آئندہ انتخابات سے پہلے توانائی بحران پر قابو پا لیا جائے گا ، جے آئی ٹی رپورٹ میں موجود تضادات سپریم کورٹ آف پاکستان کے سامنے لائیں گے ، سازشی ٹولہ ایک مرتبہ پھر ناکام ہوگا ، موجود صورتحال میں ملک کسی بحران کا متحمل نہیں ہوسکتا ، قوم میاں نوازشریف کیساتھ کھڑی ہے ، آخر میں طلال چوہدری نے 55لاکھ کی لاگت سے تحصیل ہیڈ کوآرٹر ہسپتال میں مکمل ہونے والے ڈائیلاسز کا باقاعدہ افتتاح کیا ۔