لگ رہا ہے پاناما کا ٹیسٹ میچ جیتنے کے قریب ہوں، عمران خان،جے آئی ٹی میں نواز شریف کو خود کو بے قصور ثابت کرنے کا موقع ملا لیکن اپنی بے گناہی ثابت نہیں کی ،ججز نے واضح کہہ دیا ہے قطری شہزادہ نہیں آئے گا تو خط ردی بن جائے گا،جے آئی ٹی متنازعہ بنانے کی کوشش کی گئی تو عید کے بعد بڑی تحریک چلائیں گے،عید کوہستان میں وہاں کے لوگوں کے ساتھ کروں گا ، آئندہ انتخابات سے پہلے شادی نہیں کروں گا، بابر اعوان آج تحریک انصاف میں شامل ہوں گے ، شیخ رشید کو جلد تحریک انصاف میں شامل ہونے کی دعوت دوں گا،صحافیوں سے غیر رسمی گفتگو

جمعرات 22 جون 2017 23:40

اسلام آباد (اُردو پوائنٹ اخبار آن لائن۔ جمعہ 23 جون 2017ء) چیئرمین تحریک انصاف عمران خان نے کہا ہے کہ ایسا لگ رہا ہے کہ پاناما کا ٹیسٹ میچ جیتنے کے قریب ہوں، جے آئی ٹی میں نواز شریف کو خود کو بے قصور ثابت کرنے کا موقع ملا لیکن نواز شریف نے اپنی بے گناہی ثابت نہیں کی ، ججز نے واضح کہہ دیا ہے قطری شہزادہ نہیں آئے گا تو خط ردی بن جائے گا،جے آئی ٹی متنازع بنانے کی کوشش کی گئی تو عید کے بعد بڑی تحریک چلائیں گے، عید کوہستان میں وہاں کے لوگوں کے ساتھ کروں گا ، آئندہ انتخابات سے پہلے شادی نہیں کروں گا، بابر اعوان آج تحریک انصاف میں شامل ہوں گے ، شیخ رشید کو جلد تحریک انصاف میں شامل ہونے کی دعوت دوں گا۔

جمعرات کے روزاسلام آباد میں صحافیوں سے غیر رسمی گفتگو کرتے ہوئے چیئرمین تحریک انصاف عمران خان نے کہا کہ سکون آور گولیاں لے لیں، وہ وزیر اعظم کے عہدے کے لیے مریم کو تیار کر رہے ہیں ان کے پاس اور کوئی آپشن نہیں، ہم عنقریب سپریم کورٹ میں میچ جیتنے والے ہیں، جے آئی ٹی میں نواز شریف کو خود کو بے قصور ثابت کرنے کا موقع ملا،ججز نے واضح کہہ دیا ہے قطری نہیں آئے گا تو خط ردی بن جائے گا، جے آئی ٹی متنازعہ بنانے کی کوشش کی گئی تو عید کے بعد بڑی تحریک چلائیں گے، وزیر اعظم کے لیے مریم کو تیار کر رہے ہیں ان کے پاس اور کوئی آپشن نہیں۔

(جاری ہے)

عمران خان نے کہا کہ2017عام انتخابات کا سال ہے اسی لیے انٹرا پارٹی الیکشن کرائے،2013کے انٹرا پارٹی الیکشن درست نہیں ہوئے تھے ، جاوید ہاشمی پر الزام آیا تھا کہ انہوں نے پیسے لے کر ٹکٹ تقسیم کیے، آرمی چیف نے شفاف الیکشن کرانے کی یقین دہانی کرائی ہے، ایک فوجی پولنگ اسٹیشن کے اندر اور ایک فوجی باہر ہوگا۔ انہوں نے کہا کہ شوکت خانم میں کوئی کرپشن نہیں ہوئی ، شوکت خانم کی3ملین کی انوسٹمنٹ تھائی لینڈ میں کی تھی جو واپس آ گئی تھی ،ن لاکھ نے میاں والی میں ہمارے کونسلر کو 90 لاکھ رشوت دی ، عمران خان نے عید کوہستان میں وہاں کے لوگوں کے ساتھ منانے کا اعلان بھی کیا ہے ، تحریک انصاف میں مزید کئی لوگ شامل ہونے والے ہیں ، شیخ رشید نے ہمارا بہت اچھا ساتھ دیا ، شیخ رشید کو جلد تحریک انصاف میں شامل ہونے کی دعوت دوں گا، آج بابر اعوان بھی پی ٹی آئی میں شامل ہو جائیں گے۔

انہوں نے ایک اور بڑا اعلان کیا ہے کہ آئندہ انتخابات تک شادی نہیں کروں گا ۔

Facebook Twitter Google + Share on Whatsapp

مزید متعلقہ خبریں پڑھئیے‎ :

علی امین گنڈاپور کو چاہیے مستقل اڈیالہ جیل میں ہی شفٹ ہو جائیں

جمعہ 26 اپریل 2024 - 23:19

بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا

جمعہ 26 اپریل 2024 - 22:28

ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے

جمعہ 26 اپریل 2024 - 22:13

اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان ..

جمعہ 26 اپریل 2024 - 22:02

وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی

جمعہ 26 اپریل 2024 - 20:42

خیبر پختونخواہ حکومت کا لاکھوں ٹن گندم کی خریداری کا فیصلہ

جمعہ 26 اپریل 2024 - 20:36

مزید متعلقہ خبریں پڑھئیے‎ :

متعلقہ عنوان :

جمعہ 23 جون 2017 کی مزید خبریں