بھارت نے کنٹرول لائن پر نئی حفاظتی باڑ نصب کرنے کی تیاریاں تیز کردیں

پیر 1 مئی 2017 17:40

سری نگر ۔ یکم مئی(اُردو پوائنٹ اخبار آن لائن۔ منگل 2 مئی 2017ء) مقبوضہ کشمیر میں بھارتی فوج نے کنٹرول لائن پر موجودہ باڑ کی جگہ نئی سمارٹ باڑ نصب کرنے کا کام تیز کردیا ہے۔ کشمیرمیڈیا سروس کے مطابق نئی باڑ کا کامیاب تجربہ کیا گیا ہے۔2003اور2005کے درمیان لگائی گئی موجودہ باڑ دو رویہ خاردار تاروںپر مشتمل ہے۔

(جاری ہے)

ایک سینئر افسر نے نئی دہلی میں صحافیوں کو بتایا کہ برف کی وجہ سے موجودہ باڑ کی مرمت پر زیادہ لاگت آتی ہے اور اسے ہرسال مرمت کی ضرورت پڑتی ہے جس پر پچا س سے ساٹھ کروڑ روپے لاگت آتی ہے۔

انہوںنے کہاکہ نئی مجوزہ باڑ سے چوبیس گھنٹے نگرانی کی جاسکے گی۔انہوں نے کہاکہ فوج نے آزمائشی طورپر اس باڑ کو پچاس کلومیٹر کے ٹکڑے پر نصب کردیا ہے اور اب اس کو فوج کے انجینئرنگ کور کے ذریعے پوری کنٹرول لائن پر نصب کیا جائے گا۔انہوں نے کہاکہ سمارٹ باڑ 700کلومیٹر طویل کنٹرول لائن پر نصب کی جائے گی جس میں سینسر لگے ہونگے اور اسے کنٹرول لائن کی بہترنگرانی میں آسانی ہوگی۔ انہوں نے کہاکہ اس باڑ پر ایک ارب روپے کی لاگت آئے گی۔