پاکستان میں پیٹرولیم مصنوعات کی قیمتوں میں 1 سے 2 روپے تک کمی کا امکان روشن

منگل 25 اپریل 2017 19:56

کراچی (اُردو پوائنٹ اخبار آن لائن۔ بدھ 26 اپریل 2017ء) عالمی منڈی میں خام تیل کی قیمتوں میں کمی کا رجحان جاری ہے،صرف تین دن کے دوران ہی خام تیل کی قیمتیں 5 فیصد تک گھٹ چکی ہیں،برطانوی خام تیل کی قیمت 2 ڈالر 80 سینٹس کی کمی سے 52 ڈالر 30 سینٹس فی بیرل جبکہ امریکی خام تیل کی قیمت 2 ڈالر 90 سینٹس سے کم ہو کر 51 ڈالر 90 سینٹس فی بیرل تک آچکی ہے۔

(جاری ہے)

معاشی ماہرین مطابق بین الاقوامی مارکیٹ میں خام تیل کی قیمت کم ہوجانے کے باعث حکومت پاکستانیوں پر بھی کچھ مہربان ہوسکتی ہے،کیونکہ پاناما کیس کے فیصلے کے بعد کی صورتحال سے نمٹنے کے لئے حکومت عوامی حمایت حاصل کرنے کے لئے ہر ممکن اقدامات اٹھانے کی کوشش کرے گی،اسی لئے اس بات کا امکان ہے کہ حکومت پیٹرولیم مصنوعات کی قیمت میں 1 سے 2 روپے کمی کا اعلان کردے۔