وزیراعظم کی زیرصدارت کابینہ کمیٹی برائے توانائی کااجلاس، بجلی کی پیداوارمیں کمی پر عدم اطمینان کا اظہار

بجلی کی کمی کو پورا کرنے کیلئے ہنگامی بنیادوں پر تمام وسائل بروئے کار لائے جائیں،وزیراعظم کی متعلقہ حکام کو ہدایت موسم کی شدت اور ڈیموں میں پانی کی کمی کو مد نظر رکھتے ہوئے قبل از وقت منصوبہ بندی کیوں نہیں کی گئی، وزارت پانی وبجلی کی وضاحت پراظہار برہمی

منگل 18 اپریل 2017 18:54

اسلام آباد(اُردو پوائنٹ اخبار آن لائن۔ بدھ 19 اپریل 2017ء)وزیراعظم محمدنوازشریف نے بجلی کی پیداوارمیں کمی کے حوالے سے عدم اطمینان کااظہار کرتے ہوئے متعلقہ حکام کوہنگامی بنیادوں پر تمام وسائل بروئے کارلانے کی ہدایت کی ہے،موسم کی شدت اور ڈیموں میں پانی کی کمی کو مد نظر رکھتے ہوئے قبل از وقت منصوبہ بندی کیوں نہیں کی گئی، وزیراعظم نے وزارت پانی وبجلی کی وضاحت پربرہمی کا اظہارکیا۔

منگل کووزیراعظم محمد نواز شریف نے بجلی کی کمی کے حوالے سے کابینہ کمیٹی برائے توانائی کا خصوصی اجلاس اسلام آباد میں طلب کیا جس میں بجلی کی پید اوار میں کمی کے عوامل کا جائزہ لیا گیا۔ وزیراعظم نے متعلقہ محکموں کی طرف سے کوتاہی برتنے پر عدم اطمینان کا اظہار کیاکہ انہوں نے موسم کی شدت اور ڈیموں میں پانی کی کمی کو مد نظر رکھتے ہوئے قبل از وقت منصوبہ بندی کیوں نہیں کی۔

(جاری ہے)

وزیراعظم نے فوری ہدایات جاری کی ہیں کہ عوام کو پہنچنے والی تکلیف کا جلد از جلد ازالہ کیا جائے اور بجلی کی کمی کو پورا کرنے کے لیے ہنگامی بنیادوں پر تمام وسائل بروئے کار لائے جائیں جس قدر ممکن ہو لوڈ شیڈنگ میں کمی کرکے ریلیف دیا جائے۔ وزارت پانی وبجلی کی طرف سے واضح کیا گیا کہ گرمی کی شدت میں غیر متوقع اضافہ ہوجانے سے بجلی کی طلب ایک دم بڑھ گئی جو 2500میگا واٹ سے بھی زیادہ ہے جبکہ ڈیموں میں پانی کی مطلوبہ مقدار دستیاب نہیں۔

اٴْمید ہے کہ گرمی بڑھنے سے پانی کی آمد کا سلسلہ شروع ہوجائے گا تو ڈیمز سے بجلی کی پیداوار بہتر ہوجائے گی۔ وزیراعظم نے وزارت پانی وبجلی کی وضاحت پربرہمی کا اظہار کیااور ہدایت دی کہ بروقت منصوبہ بندی نہ کرنے والے اہلکاروں پر ذمہ داری عائد کی جائے تاکہ آئندہ ایسی صورتحال پیش نہ آئے۔ موجودہ کمی کو پورا کرنے کے لیے تمام وسائل بروئے کار لائیں اور عوام کو بجلی فراہم کریں۔

Facebook Twitter Google + Share on Whatsapp

مزید متعلقہ خبریں پڑھئیے‎ :

اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں

جمعہ 19 اپریل 2024 - 23:49

وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت

جمعہ 19 اپریل 2024 - 23:47

صدرزرداری نے ساتویں بارپارلیمنٹ سے خطاب کرکے تاریخ رقم کی

جمعہ 19 اپریل 2024 - 22:31

سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی

جمعہ 19 اپریل 2024 - 22:29

بانی پی ٹی آئی کی تین مقدمات میں عبوری ضمانت میں توسیع

جمعہ 19 اپریل 2024 - 21:58

چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور

جمعہ 19 اپریل 2024 - 21:44

وزیراعظم کی زیرصدارت کابینہ کمیٹی برائے توانائی کااجلاس، بجلی کی پیداوارمیں کمی پر عدم اطمینان کا اظہار

مزید متعلقہ خبریں پڑھئیے‎ :

متعلقہ عنوان :

بدھ 19 اپریل 2017 کی مزید خبریں