حکومت سندھ نے مختلف عدالتوں میں 9 وکلاء کی خدمات حاصل کر رکھی ہیں ، وزیر قانون سندھ

مختلف مقدمات میں پیروی کرنے پر 231.2 ملین فیس کی ادائیگی کی گئی، فیسیں 2010 سے 2013 کے عرصے میں ادا کی گئیں

پیر 17 اپریل 2017 23:31

کراچی (اُردو پوائنٹ اخبار آن لائن۔ منگل 18 اپریل 2017ء) سندھ کے وزیر قانون ضیاء الحسن لنجار نے بتایا ہے کہ حکومت سندھ نے مختلف عدالتوں میں 9 وکلاء کی خدمات حاصل کر رکھی ہیں ، جنہیں مختلف مقدمات میں پیروی کرنے پر 231.2 ملین فیس کی ادائیگی کی گئی ۔ یہ فیسیں 2010 سے 2013 کے عرصے میں ادا کی گئیں ۔ پیر کو ایوان میں ارکان کے مختلف توجہ دلاؤ نوٹس کے موقع پر ایم کیو ایم کے کامران اختر کے ایک توجہ دلاؤ نوٹس کے جواب میں وزیر قانون نے کہا کہ جن وکلاء کی خدمات حاصل کی گئی ہیں ، ان میں فاروق ایچ نائیک ، انور منصور ، آغا فیصل ، خالد جاوید ، یاور فاروقی اور حفیظ پیرزادہ لاء ایسوسی ایٹ کے وکلاء بھی شامل ہیں ۔

انہوں نے کہا کہ محکمہ قانون کے پاس بھی اپنے وکیل بھی موجو دہیں ، جو باصلاحیت ہیں لیکن سرکاری وکلاء کی کم تعداد کے باعث باہر سے بھی وکلاء کی خدمات حاصل کی جاتی ہیں ۔

(جاری ہے)

محکمہ قانون کے وکلاء ہائیکورٹ اور ماتحت عدالتوں میں سرکار کی پیروی کرتے ہیں ۔ محکمہ قانون وکیلوں کی خالی اسامیوں کو پر کرنے کی کوشش کر رہی ہے اور اس بارے میں اخبارات میں اشتہارات بھی دے دیئے گئے ہیں ۔

ایم کیو ایم کے قمر حسین رضوی کے ایک توجہ دلاؤ نوٹس کے جواب میں وزیر تعلیم جام مہتاب حسین ڈاہر نے کہا کہ گورنمنٹ بوائز عرفان سیکنڈری اسکول سولجربازار میں بجلی کا کنکشن منقطع ہے حالانکہ سندھ حکومت واپڈا اور کے الیکٹرک کو باقاعدگی سے بجلی کے واجبات ادا کر رہی ہے ۔ انہوں نے اسکول کی بجلی کی بحالی کے لیے کے الیکٹرک حکام سے ذاتی طور پر بات کی ہے لیکن علاقے کے منتخب نمائندوں کی یہ ذمہ داری ہے کہ اسکول کی بجلی باہر کے غیر متعلقہ لوگ استعمال نہ کریں اور اسے چوری نہ کیا جائے ۔

Facebook Twitter Google + Share on Whatsapp

مزید متعلقہ خبریں پڑھئیے‎ :

بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا

بدھ 24 اپریل 2024 - 22:02

صدر مملکت آصف علی زرداری سے چائنہ انٹرنیشنل ڈویلپمنٹ کوآپریشن ایجنسی کے چیئرمین لوئو چائو ہوئی کی قیادت میں وفد کی ملاقات، پاکستان اور چین کے درمیان ..

بدھ 24 اپریل 2024 - 21:07

وزیراعلیٰ سندھ نے وزیراعظم کو وفاق کی جانب سے سندھ کو نظرانداز کرنے کا شکوہ کر دیا

بدھ 24 اپریل 2024 - 20:47

حکومت مہنگائی و بے روزگاری پر قابو پانے، معاشی استحکام اور برآمدات میں اضافہ کیلئے پرعزم ہے، کاروباری برادری کی معاونت سے آئندہ پانچ سال کے دوران ..

بدھ 24 اپریل 2024 - 20:23

وزیراعظم شہبازشریف کی زیر صدارت سندھ میں وفاقی حکومت کے ترقیاتی منصوبوں کے حوالہ سے اجلاس، سرکاری و نجی اشتراک کے تحت بننے والے کامیاب منصوبوں ..

بدھ 24 اپریل 2024 - 20:23

سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ

بدھ 24 اپریل 2024 - 20:14

حکومت سندھ نے مختلف عدالتوں میں 9 وکلاء کی خدمات حاصل کر رکھی ہیں ، وزیر قانون سندھ

مختلف مقدمات میں پیروی کرنے پر 231.2 ملین فیس کی ادائیگی کی گئی، فیسیں 2010 سے 2013 کے عرصے میں ادا کی گئیں

مزید متعلقہ خبریں پڑھئیے‎ :

متعلقہ عنوان :

منگل 18 اپریل 2017 کی مزید خبریں