چیئر مین سینیٹ کے استعفیٰ کی نوبت نہیں آئیگی،پیر کورضاربانی کے گھر جا کر منائوں گا ‘ایاز صادق

پانامہ کا فیصلہ بھی آجائیگا اور نوازشر یف ہی ملک کے وزیر اعظم رہیں گے ‘کلبھوشن کے خلاف سزا اور انکو کسی قسم کی رعایت نہ دینے کے معاملے پر تمام جماعتیں متفق ہیں ‘کر نل (ر) حبیب ظاہرکا اغواء باقاعدہ منصوبہ بندی کے تحت کیا گیا ‘ڈان لیکس کے معاملے کا قومی اسمبلی سے کوئی تعلق نہیں، حکومت تحقیقات کر رہی ہے ‘پاکستان میں غیر ملکی سر مایہ کاری تیز ی کے ساتھ آرہی ہے ‘مجھے کہیں 16سی18گھنٹے کی لوڈشیڈ نگ نظر نہیں آرہی ‘دریائوں میں پانی نہ ہونے اور دیگر وجوہات کی وجہ سے کبھی لوڈشیڈ نگ زیادہ ہوجاتی ہے، سب کچھ اللہ کی مر ضی سے چلتا ہے،سپیکر قومی اسمبلی کی میڈیا سے گفتگو

ہفتہ 15 اپریل 2017 18:17

لاہور(اُردو پوائنٹ اخبار آن لائن۔ اتوار 16 اپریل 2017ء) سپیکر قومی اسمبلی سردار ایاز صادق نے کہا ہے کہ چیئر مین سینٹ کے استعفیٰ کی نوبت نہیں آئیگی سوموار کے روز انکے گھر جا کر منائوں گا ‘پانامہ کا فیصلہ بھی آجائیگا اور نوازشر یف ہی اس کے ملک کے وزیر اعظم رہیں گے ‘کل بھوشن کے خلاف سزا اور انکو کسی قسم کی رعایت نہ دینے کے معاملے پر تمام جماعتیں متفق ہیں ‘کر نل (ر) حبیب ظاہرکا اغواء باقاعدہ منصوبہ بندی کے تحت ہی کیا گیا ہے ‘ڈان لیکس کے معاملے کا قومی اسمبلی سے کوئی تعلق نہیں حکومت اس کی تحقیقات کر رہی ہے ‘پاکستان میں غیر ملکی سر مایہ کاری تیز ی کے ساتھ آرہی ہے ‘ملک میں بجلی کی لوڈشیڈ نگ ہو رہی ہے مگر مجھے کہیں16سی18گھنٹے کی لوڈشیڈ نگ نظر نہیں آرہی ‘دریائوں میں پانی نہ ہونے اور دیگر وجوہات کی وجہ سے کبھی لوڈشیڈ نگ زیادہ ہوجاتی ہے سب کچھ اللہ کی مر ضی سے چلتا ہے حکومت مسائل کے حل کیلئے کوشش کر رہی ہیں ۔

(جاری ہے)

لاہور میں میڈیا سے گفتگو کرتے ہوئے سپیکر قومی اسمبلی سردار ایاز صادق نے کہا ہے کہ قومی اسمبلی میں وزیر اعظم کے عہدے کا کوئی اور امیدوار نہیں اور جن لوگوں کو کوئی غلط فہمی ہے وہ اپنے دل سے نکال دیں نوازشر یف ہی اس ملک کے وزیر اعظم رہیں گے ۔ انہوں نے کہا کہ پانامہ کیس میں جوباتیں کی جا رہی ہیں میں نے بھی پانامہ کے سب کاغذت کو دیکھا ہے اس میں کوئی ایسی بات نہیں جس سے وزیر اعظم کو کوئی خطر ہ ہو اس لیے پانامہ کیس کا فیصلہ جو بھی آئیگا قوم کے سامنے آجائیگا مگر وزیر اعظم میاں نوازشر یف ہی رہیں گے ۔

انہوں نے کہا کہ چیئر مین سینیٹ رضا ربانی وزراء کے ایوان میں نہ ہونے کی شکایت کرتے رہے ہیں میری ان سے ٹیلی فونک بات ہوگئی ہے ان کی سینیٹر اسحاق ڈار سے اچھی دوستی ہے میں انکو ساتھ لیکر سوموار کے روز رضا ربانی کے پاس جائوں گا اور انکے جائز مطالبات کو تسلیم کر یں گے اورانکے استعفیٰ کی نوبت نہیں آئیگی اور معاملات حل ہو جائیں گے ۔ ایک سوال کے جواب میں سردار ایاز صادق نے کہا کہ بھارتی جاسوس کو آئین کے تحت سزا دی گئی ہے اور تمام سیاسی جماعتیں اس بات پر متفق ہیں کہ ان کے ساتھ کسی قسم کی کوئی رعایت نہیں ہونی چاہیے ۔

انہوں نے کہا کہ حکومت مسائل کے حل کیلئے سنجیدہ اقدامات کر رہی ہیں اور میرے سپیکر بننے سمیت سب کچھ اللہ تعالیٰ کی مر ضی سے ہوتا ہے ملک میں بجلی کی لوڈشیڈ نگ ہو رہی ہے مگر مجھے کہیں16سی18گھنٹے کی لوڈشیڈ نگ نظر نہیں آرہی ‘دریائوں میں پانی نہ ہونے اور دیگر وجوہات کی وجہ سے کبھی لوڈشیڈ نگ زیادہ ہوجاتی ہے مگر لوڈشیڈ نگ کے حالات2013جیسے نہیں بلکہ بہت زیادہ بہتر آئی ہے اور انشاء اللہ لوڈشیڈ نگ پر مکمل قابو پا لیا جائیگا ۔