․وزیراعلیٰ کا فیصل آباد میں انفارمیشن ٹیکنالوجی و سکلز یونیورسٹی کے قیام اور میٹرو بس سروس کے منصوبے کا اعلان‘احتجاجی سیاست اور کرپشن کرنے والو ںنے قائدؒ کے پاکستان کو برباد کرنے میں کوئی کسر نہیں چھوڑی‘میٹرو بس منصوبے کو جنگلہ بس کہنے اور اس پر کرپشن کے الزامات لگانے والے تھک ہار کر چار سال بعد خود اس منصوبے کو شروع کر رہے ہیں‘وزیراعظم کی قیادت میں بجلی کے منصوبے تیزی سے مکمل کئے جا رہے ہیں اور رواں سال کے آخر تک 7ہزار میگاواٹ بجلی ملے گی‘وزیراعلیٰ محمد شہبازشریف کا فیصل آباد میں لوکل باڈیز کنونشن سے خطاب
ہفتہ 15 اپریل 2017 23:35
(جاری ہے)
وزیراعلیٰ نے کہا کہ فیصل آباد میں میٹروبس سروس کے منصوبے پر اسی سال کام شروع کردیا جائے گا اور جس طرح لاہور،راولپنڈی ،اسلام آباد اورملتان میں میٹروبس کے منصوبے مکمل کیے گئے ہیں اسی طرح دن رات کام کر کے فیصل آباد میں بھی میٹروبس کے منصوبے کو پایہ تکمیل تک پہنچایا جائے گا۔
انہوںنے کہا کہ عام آدمی کو باکفایت،محفوظ اور تیزرفتار سفری سہولتوں کی فراہمی کے عظیم منصوبے میٹروبس کو جنگلہ بس کہنے ،اس منصوبے میں کرپشن کے الزامات لگانے والوں کو بلاجواز احتجاج سے تھک ہار کرآج چار سال بعد اپنے صوبے میں یہ بس سروس شروع کرنے کا خیال آیا ہے تو ہمیں خوشی ہے۔ میٹروبس کا منصوبہ ضرور لگائیں لیکن خدارا اسے جنگلہ بس کہہ کرپاکستان کے عوام اورانسانیت کی توہین نہ کریں۔ میٹروبس سروس نے محنت کش، مزدور، یتیم، بیوہ،وکیل ،کلرک،ڈاکٹرکو بہترین سفری سہولت دی ہے اوراس میٹروبس سروس کے ذریعے یہ باعزت طریقے سے اپنی منزل مقصود پر پہنچ رہے ہیں تو اس بس سروس کو جنگلہ بس کہہ کر ان کی توہین نہ کریں۔آپ اپنے صوبے میں اس بس سروس کو چھانگلہ گلی کا نام دے سکتے ہیں کیونکہ یہ کے پی کے کا بہت خوبصورت علاقہ ہے۔ انہوںنے کہا کہ احتجاج اورانتشار کی سیاست نے پاکستان کی معیشت کو بے پناہ نقصان پہنچایا ہے ۔ایک طرف قومی معیشت کو احتجا ج کے ذریعے نقصان پہنچانے والے لوگ ہیں تو دوسری طرف وزیراعظم محمدنوازشریف کی قیادت میں ملک کو ترقی و خوشحالی کی شاہراہ پر گامزن کیاگیا ہے ۔انہوںنے کہا کہ وزیراعظم کی قیادت میں بجلی کے منصوبے نہایت شفاف طریقے سے برق رفتاری سے لگ رہے ہیں اورملک کی 70سالہ تاریخ میں اتنی تیزرفتاری سے منصوبوں کی تکمیل کی کوئی مثال موجود نہیں ۔بھکی میں 1200میگاواٹ کے گیس پاور پلانٹ کا سنگ بنیاد ستمبر 2015ء میں رکھا گیا ،حویلی بہادر شاہ میں 1200میگاواٹ کے گیس پاور پلانٹ کا سنگ بنیاد 2015ء کے آخر میں جبکہ 1200میگاواٹ کے بلوکی گیس پاور پلانٹ کا سنگ بنیاد 2015ء کے آخر میں یا 2016ء کے شروع میں رکھا گیا۔ان تینوں منصوبوں پر تیزرفتاری سے کام کیاگیا اور یہ منصوبے تکمیل کے مراحل میں ہے ۔بھکی پاور پلانٹ کا منصوبہ اگلے ہفتے بجلی مہیا کرنا شروع کردے گا۔دوسری جانب نیلم جہلم پاور پلانٹ کا آغاز 2002ء میں ہوا ،ڈکٹیٹر مشرف اور زرداری کے ادوار میں ان منصوبوں پر کام ہوتا رہا لیکن یہ 950میگاواٹ بجلی کا منصوبہ آج تک مکمل نہیں ہوسکا۔اس منصوبے کا ابتدائی تخمینہ 80ارب روپے تھا جو بڑھ کر500ارب ر وپے ہوچکا ہے ۔انہوںنے کہا کہ احتجاج کی سیاست اور کرپشن کرنیوالوں نے قائد کے پاکستان کو برباد کرنے میں کوئی کسر نہیں چھوڑی اوراب جب وزیراعظم کی قیادت میں بجلی کے منصوبے تیزرفتاری سے مکمل ہونے جارہے ہیں تو ان کے پیٹوں میں مروڑ اٹھ رہے ہیں ۔انہوںنے کہاکہ رواں سال کے آخر تک بجلی کے متعدد منصوبوں کی تکمیل سے 7ہزار میگاواٹ بجلی نیشنل گرڈ میں شامل ہوگی جس سے ملک میں 20سالوں سے چھائے اندھیرے دورہوں گے اوریہ اندھیرے اجالوں میں بدلیں گے،لاکھوں لوگوں کو روزگار ملے گا۔انہوںنے کہا کہ گیس کی بنیاد پر لگنے والے منصوبوں میں غریب قوم کے 112ارب روپے بچائے گئے ہیں جبکہ دوسری جانب ملک کی تاریخ میں 112 ارب روپے بچانے کی بھی کوئی مثال موجود نہیں ۔یہ وزیراعظم نوازشریف کی شفافیت کا منہ بولتا ثبوت ہے اور یہ ان کی قیادت کا کمال ہے ۔دوسری طرف ملک میں قومی وسائل کو بے دردی سے لوٹنے والے ہیںجنہوںنے قوم کو اندھیروں میں دھکیلا۔زرداری صاحب کہتے ہیں کہ سی پیک میں نے اپنے دور میں کرایا لیکن شریف برادران اس کا کریڈٹ لے رہے ہیں ۔قوم جاننا چاہتی ہے کہ زرداری صاحب اگر آپ نے سی پیک یا گوادر کے منصوبے طے کیے تھے تو آپ اپنے دور میں ان کا سنگ بنیاد رکھنا کیوں بھول گئے اوراس پر کام کا آغاز کیوں نہ کیا گیازرداری صاحب قوم کو دھوکہ نہ دیں اس قوم کو 70سالوں میں پہلے ہی بہت گھاؤ لگے ہیںاوریہ قوم بہت دکھی ہے ۔ انہوںنے کہاکہ فیصل آباد میں سبزی منڈی دوسری جگہ منتقل ہوچکی ہے لیکن اس سرکاری جگہ پر ابھی تک لوگ قابض ہیں،ان لوگوں سے اس جگہ کا قبضہ چھڑا کر یہاںمکمل انفارمیشن ٹیکنالوجی و سکلز یونیورسٹی بنائی جائے گی اوراس منصوبے پر اسی سال کام کا آغاز ہوگا اور اسے تیزرفتاری سے پایہ تکمیل تک پہنچایا جائے گا۔انہوں نے کہا کہ جدید ٹیکنالوجی آج کی ضرورت ہے اور پاکستان کا مستقبل انفارمیشن ٹیکنالوجی سے جڑا ہے ۔پنجاب حکومت نے صوبے میں انفارمیشن ٹیکنالوجی کو فروغ دیا ہے،لینڈ ریکارڈمینجمنٹ انفارمیشن سسٹم ،تھانوں،ہسپتالوں،زراعت ،تعلیم اوردیگر شعبوں میں جدید ٹیکنالوجی کو فروغ دیاگیاہے ۔ انہوںنے کہاکہ فیصل آباد پاکستان کا ایک بڑا صنعتی شہر ہے اور یہاں انفارمیشن ٹیکنالوجی و سکلز یونیورسٹی کا قیام اس شہر کی تاریخ کا ایک انقلابی منصوبہ ثابت ہوگا۔وزیراعلیٰ نے کہا کہ فیصل آباد پاکستان کا بڑا اہم ترین شہر ہے اوراس شہر کو ہمیں مزید سہولتیں دینا ہے اوراس شہر کو خوب سے خوبصورت بنانے کے لئے کام کرنا ہے ۔انہوںنے کہا کہ میں نے یہاں چلڈرن ہسپتال کے ایمرجنسی بلاک کا افتتاح کیا ہے اوریہ ہسپتال بچوں کو بہترین علاج معالجہ فراہم کرنے کا ذریعہ بنے گا۔انہوںنے کہا کہ یہ ہسپتال میں اربوں روپے کی لاگت سے مکمل کیا جارہا ہے اور یہاں جدید مشینری آرہی ہے ۔اس سال ستمبر میں یہ ہسپتال مکمل ہوجائے گا۔انہوںنے کہا کہ ہسپتال میں بچوں کومعیاری علاج معالجہ کی فراہمی کیلئے اعلی ترین ایکسپرٹ کی ضرورت تھی تو میں نے وقت ضائع کیے بغیر برطانیہ میں پاکستان کے ہائی کمشنر سے رابطہ کیا اورانہیں کہاکہ وہ برطانیہ کے مختلف علاقوں میں کام کرنے والے پاکستانی ڈاکٹروں کو اکٹھا کریں ہماری ٹیم ایک ہفتے کے اندربرطانیہ جائے گی اور وہ ڈاکٹر جس معاوضے پر کام کرنا چاہیں گے انہیں یہاں فیصل آباد کے چلڈر ن ہسپتال میں لایا جائے گا۔انہوںنے کہا کہ فیصل آباد میں سیف سٹی پراجیکٹ کا سنگ بنیاد بھی رکھا جائے گااوراس منصوبے کو اگلے سال مکمل کریںگے۔انہوںنے کہاکہ صوبے میں جون 2017ء تک 90ارب روپے کی لاگت سے کھیتوں سے منڈیوں تک سڑکوں کی تعمیر و بحالی کا کام مکمل ہوگا۔جس سے دیہی معیشت میں انقلاب برپا ہوگا۔انہوںنے کہا کہ وزیراعظم نوازشریف نے کسانوں کے لئے تاریخ ساز پیکیج دیا ہے جس میں پنجاب حکومت نے بھی اپنا حصہ ڈالا ہے ۔انہوںنے کہا کہ کسانوں کو پہنچنے والے نقصان کی تلافی کے لئے کھادوں کی قیمتوں میں کمی کی گئی اور ان کے نقصان کا ازالہ بھی کیاگیا ہے ۔انہوںنے کہا کہ پنجاب حکومت نے زرعی شعبہ کی ترقی اورفی ایکڑ پیداوار بڑھانے کیلئے تاریخی کسان پیکیج دیا ہے اور چھوٹے کاشتکاروں کو 100 ارب روپے کے بلاسود قرضوں کی فراہمی کا پروگرام کامیابی سے جاری ہے ۔انہوںنے کہا کہ وزیراعظم نوازشریف کی قیادت میں چائنہ پاکستان اکنامک کوریڈور کے تحت اربوں ڈالر کی سرمایہ کاری ہورہی ہے اور اس سرمایہ کاری سے فائدہ اٹھانے کے لئے ہمیں وزیراعظم نوازشریف کی قیادت میں اکٹھے ہوکرپاکستا ن کو عظیم سے عظیم تر ملک بنانا ہے اوربین الاقوامی برادری میں اسے باوقار مقام دلانے کیلئے اپنا کردارادا کرنا ہے ۔کنونشن میں وفاقی اورصوبائی وزراء ،فیصل آباد کے قومی و صوبائی اسمبلی،وکلاء، صنعتکار،تاجروں کے علاوہ مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی ۔مزید متعلقہ خبریں پڑھئیے :
اتوار 16 اپریل 2017 کی مزید خبریں
-
دنیا کی معمر ترین خاتون ایما مورانو117برس کی عمر میں انتقال کر گئیں
-
شام کے شہر حلب میں خودکش دھماکہ، بچوں اور خواتین سمیت 100افراد ہلاک، درجنوں زخمی
-
کسی نے جوہری حملہ کیا تو اس کا جواب جوہری حملے سے ہی دیا جائے گا‘ شمالی کوریا کی دھمکی
-
عوام ریفرنڈم میں صدارتی نظام متعارف کرانے کے حق میں ووٹ دیں‘ ترک صدر
-
بھارت کے ضلع گورداس پور میں دھماکہ، 2 افراد جاں بحق
-
مکہ : خاتون کو تھپڑ مارنے والا شخص گرفتار
-
دنیا میں دو ارب افراد آلودہ پانی پینے پر مجبور ،ہر سال کم سے کم 5لاکھ افراد ہلاک ہو جاتے ہیں‘ ڈبلیو ایچ او
-
ایشیاکا سب سے بڑا الیکٹرونکس شو 2017ء ہانگ کانگ میں جاری، شو میں 23 ممالک کی چھوٹی بڑی کمپنیاں شریک ہیں
-
اٹلی ، مسلم طالبہ کو حجاب پہننے پر جہاز میں سوار ہونے سے روک دیا گیا
-
بھارت مذہبی منافرت پھیلانے والے ممالک میں شامل
-
روس نے امریکہ سے چار گنا بڑا بم ’’تمام بموں کا باپ ‘‘ بنا لیا
-
بحیرہ روم میں 2 ہزار سے زائد تارکین وطن کو ڈوبنے سے بچا لیا گیا
-
روس،22 خواتین کے قتل کے جرم میں عمر قید کی سزا پانے والے سابق پولیس افسر کے خلاف مزید 60 خواتین کے قتل کی تحقیقات
-
․وزیراعلیٰ کا فیصل آباد میں انفارمیشن ٹیکنالوجی و سکلز یونیورسٹی کے قیام اور میٹرو بس سروس کے منصوبے کا اعلان‘احتجاجی سیاست اور کرپشن کرنے والو ںنے قائدؒ کے پاکستان کو برباد کرنے میں کوئی کسر ... مزید
-
کراچی، سندھ کابینہ کے وزرا مراد علی شاہ کی طرح فعال ہوجائیں، کہ وہ خود کوکابینہ سے الگ سمجھیں، بلاول بھٹو زرداری کی صوبائی وزراء کی وارننگ
-
شناختی کارڈز کا مسئلہ پنجابی ،پختون ، بلوچی یا سندھی کا نہیں ،پاکستان کی شہریت کا مسئلہ ہے،12سے 14سالوں میں شہریت کو ڑیوں کے حساب سے بیچی گئی، چودھری نثار علی خان
-
انسانیت رکھنے والے معاشرے ہی خوشحال ہوتے ہیں ‘ انسان اور جانوروں میں فرق انسانیت کا ہی ہے، دوسروں کیلئے جینا ہی انسانیت کی معراج ہے ،ہمیں اس عارضی زندگی میں ایسا کام کرنا چاہیے جو ہمیں مرنے کے بعد ... مزید
-
مشال خان قتل کیس،8ملزمان کوجسمانی ریمانڈ پر پولیس کے حوالے کردیا، چیف جسٹس آف پاکستان نے قتل کے معاملہ کا از خود نوٹس لے لیا ، وزیراعظم محمد نواز شریف کا عبد الولی خان یونیورسٹی میں طالبعلم کے قتل ... مزید
-
بدعنوانی میں ملوث شخص سے مجھے بدبو آتی اور کراہت ہوتی ہے ،سابق گورنر سٹیٹ بینک ڈاکٹر محمد یعقوب کو ہٹانے کی تجویز میں نے وزیر اعظم کو دی تھی،ممنون حسین
-
میرے بیٹےکوبڑی بےرحمی سے قتل کیاگیا، قاتلوں کوسزادی جائے،والدہ کامطالبہ
-
افغان صوبے ننگرہار میں دنیا کے سب سے بڑے غیر جوہری بم حملے کے باعث کرم ایجنسی میں مقامی آبادی کے متاثر ہونے کا انکشاف
-
لاہور، وزیر خزانہ اسحاق ڈار کوضمنی بجٹ کا اختیار دینے کا اقدام لاہور ہائیکورٹ میں چیلنج
-
رضا ربانی چیئرمین سینٹ مستعفی نہیں ہوئے ، پیپلز پارٹی نے ناراضگی کی وضاحت دیدی
-
شاہ محمود کے بعد ان کے صاحبزادے بھی اپنے والد کے نقش قدم پر چل نکلے
-
چیئر مین سینیٹ کے استعفیٰ کی نوبت نہیں آئیگی،پیر کورضاربانی کے گھر جا کر منائوں گا ‘ایاز صادق
-
ڈاکٹر عاصم کیخلاف 462ارب کرپشن ریفرنس کی سماعت جج کی عدم حاضری کے باعث 29اپریل تک ملتوی
-
لڑکی سےمبینہ زیادتی،عدالت نےگلوکارشاہ سوارکوجوڈیشل ریمانڈپرجیل بھیج دیا
-
تلہ گنگ میں ہونیوالے ضمنی الیکشن کو شفاف بنانے کیلئے عمران خان نے تمام پولنگ سٹیشنوں پرکارکنوں کی ڈیوٹی لگادی
-
وزیر اعلی پنجاب سے شکا یت کر نے آئی خا تون کو لیڈی پو لیس نے دھر لیا ‘منتیں واسطے بھی کام نہ آئے نا معلوم مقام پر منتقل
-
چیف جسٹس نے آئندہ ہفتے سپریم کورٹ میں مختلف مقدمات کی سماعت کیلئے بنچ تشکیل دے دیے
-
لاہور،سی آئی اے کو توالی پولیس کی کارروائی ،چند روز قبل اغواء ہونے والا بچہ بازیاب، ایک ملزم گرفتار
-
عدالتی نظام کے وقار کو بلند کرنے اور انصاف کی بالا دستی کے لئے بار اور بینچ مل کر شہریوں کو بر وقت انصاف دلانے کے لئے تمام تر اقدامات کریں،چیف جسٹس بلوچستان ہائی کورٹ جسٹس محمد نور مسکانزئی
-
مردان واقعہ ضیاء الحق دور کے تشدد کا ایک تسلسل ہے اس واقعہ کا ذمہ دار نظام اور سسٹم ہے ، موجودہ نظام آگ اور آگ کا کام جلانا ہے ، شاعر ادیب ، پروفیسر اور انسانی حقوق کی تنظیمیں حکومت پر دبائو ڈالیں ... مزید
-
سی پیک سے بلوچ اقلیت میں تبدیل ہوجائیں گے جوہمارے لئے قابل قبول نہیں،نواب اسلم رئیسانی
-
لاہور،تین مشکوک افراد کی ایرانی قونصلیٹ سے ویزا لگوانے کی کوشش
-
عدالت نے ڈاکٹر عاصم کو بیرون ملک جانے کی اجازت دے دی
-
کوئٹہ میں موٹرسائیکل کی ڈبل سواری پر عائد پابندی میں ایک ماہ کی توسیع کردی گئی
-
وزیراعلیٰ کی فیصل آباد میں مسلم لیگ (ن) کے سینئر رہنما چوہدری شیر علی کے گھر آمد،پارٹی معاملات پر بات چیت
-
کراچی کو ملک بھر کیلئے رول ماڈل بنانا چاہتے ہیں،16 مطالبات نہ تسلیم کئے گئے تو کراچی کی تباہی کو کوئی نہیں روک سکتا، سید مصطفی کمال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.