کلبھوشن یادیو کے ٹرائل میں تمام قانونی تقاضے پورے کیے گئے،دہشتگردی کے خلاف پوری قوت استعمال کی جائے گی،دہشتگردی کے خلاف ہمارا عزم پوری دنیا میں گونجنا چاہیے،کرنل (ر) حبیب ظاہر 6اپریل کو نیپال سے لاپتہ ہیں،ان کا اہلخانہ سے آخری رابطہ نیپال میں بھارت کی سرحد سے پانچ کلومیٹر کے فاصلے پر ہوا تھا،خدشہ ہے کہ انہیں بھارتی خفیہ ایجنسی ’’را‘‘ نے اغوا کیا ہے، وزیردفاع خواجہ محمد آصف کا نجی ٹی وی کو انٹرویو

منگل 11 اپریل 2017 09:36

اسلام آباد (اُردو پوائنٹ اخبار آن لائن۔ منگل 11 اپریل 2017ء) وزیردفاع خواجہ محمد آصف نے کہا کہ کلبھوشن یادیو کے ٹرائل میں تمام قانونی تقاضے پورے کیے گئے،دہشتگردی کے خلاف پوری قوت استعمال کی جائے گی،دہشتگردی کے خلاف ہمارا عزم پوری دنیا میں گونجنا چاہیے،کرنل (ر) حبیب ظاہر 6اپریل کو نیپال سے لاپتہ ہیں،ان کا اہلخانہ سے آخری رابطہ نیپال میں بھارت کی سرحد سے پانچ کلومیٹر کے فاصلے پر ہوا تھا،خدشہ ہے کہ انہیں بھارتی خفیہ ایجنسی را نے اغوا کیا ہے۔

وہ پیر کو نجی ٹی وی کو انٹرویو دے رہے تھے۔انہوں نے کہا کہ سیکیورٹی کے معاملات حساس ہوتے ہیں،انہیں فوری طور پر پبلک نہیں کیا جاسکتا،کلبھوشن یادیو کی سزائے موت اور ٹرائل میں تمام قانونی تقاضے پورے کیے گئے ہیں،کلبھوشن یادیو مارچ 2016میں گرفتار ہوا،اپنے اعترافی بیان میں اس نے جرائم کا اعتراف کیا،شواہد کی روشنی میں مزید کارروائیاں کی جاتی رہیں،یہ تمام ثبوت سب کے سامنے ہیں،کلبھوشن یادیو کا کئی ماہ سے ٹرائل چل رہا تھا۔

(جاری ہے)

خواجہ آصف نے کہا کہ ہمارے دو لاکھ فوجی دہشتگردی کے خلاف جنگ میں مصروف ہیںِ80ہزار بارڈر پر تعینات ہیں،دوسری عالمی جنگ کے بعد سب سے زیادہ فوج پاکستان کی اس وقت میدان جنگ میں ہے،بھارت دہشتگردی کی پشت پناہی کر رہا ہے،ہمیں بھی اپنے ملک کے قوانین پوری طرح سے لاگو کرنا چاہیے،دہشتگردی کے خلاف پوری قوت استعمال کی جائے گی،کلبھوش یادیو کا معاملہ عالمی سطح پر بھرپور انداز میں اٹھایا گیا،دہشتگردی کے خلاف عزم میرا نہیں پوری قوم اور ریاست کا ہے،ہمارا پیغام پوری دنیا میں گونجنا چاہیے،بھارتی عزائم کے خلاف پورے طریقے سے مہم چلانی چاہیے۔

انہوں نے کہا کہ کرنل (ر) حبیب ظاہر 6اپریل کو نیپال سے لاپتہ ہیں،ان کا اہلخانہ سے آخری رابطہ نیپال میں بھارت کی سرحد سے پانچ کلومیٹر کے فاصلے پر ہوا تھا،خدشہ ہے کہ انہیں بھارتی خفیہ ایجنسی را نے اغوا کیا ہے۔…(خ م)