سالانہ کمائی میں ایم کیو ایم، اخراجات اور اثاثوں میں پی ٹی آئی سب سے آگے ‘سیاسی جماعتوں کے اثاثوں کی تفصیلات جاری

حکمران جماعت کے اثاثے ساڑھے 4کروڑ روپے سے زائد ،پی ٹی آئی 15کروڑ روپے سے زائد اثاثوں کی مالک ہے پیپلزپارٹی نے 10کروڑ روپے پیپلزپارٹی پارلیمنٹرینز کو منتقل کردیئے ،کل اثاثوں کی مالیت 49لاکھ روپے رہ گئی، شیخ رشید کی جماعت سب سے غریب

جمعرات 6 اپریل 2017 19:45

اسلام آباد/لاہور(اُردو پوائنٹ اخبار آن لائن۔ جمعہ 7 اپریل 2017ء)الیکشن کمیشن آف پاکستان نے ملک کی تمام رجسٹرڈ سیاسی جماعتوں کے اثاثوں کی تفصیلات جاری کردی ہیں۔سالانہ کمائی میں ایم کیو ایم، اخراجات اور اثاثوں میں پی ٹی آئی سب سے آگے ہے،حکمران جماعت کے اثاثے ساڑھے 4 کروڑ روپے سے زائد ہیں جبکہ پی ٹی آئی 15 کروڑ روپے سے زائد اثاثوں کی مالک ہے ۔

الیکشن کمیشن آف پاکستان نے سیاسی جماعتوں کے اثاثوں کی تفصیلات جاری کردی ہیں جس کے مطابق متعدد جماعتوں کی آمدن ان کے اخراجات سے کم ہیں۔2014-15ء کے گوشواروں کے مطابق حکمران جماعت مسلم لیگ (ن)4 کروڑ روپے سے زائد اثاثوں کی مالک ہے اور اس کی آمدن 1 کروڑ 65 لاکھ روپے ہے جبکہ مختلف اجلاسوں، تفریح اور دیگر کاموں کی مد میں پارٹی کی جانب سے 4 کروڑ روپے سے زائد کے اخراجات کئے گئے۔

(جاری ہے)

پاکستان پیپلزپارٹی نے 10 کروڑ روپے پیپلزپارٹی پارلیمنٹرینز کو منتقل کردیئے جس کے بعد اس کے کل اثاثوں کی مالیت 49 لاکھ روپے رہ گئی، پیپلزپارٹی کی آمدن 2 کروڑ روپے سے زائد جبکہ اخراجات 12 کروڑ روپے سے زائد بنتے ہیں۔ پیپلزپارٹی پارلیمنٹرینزکا بینک بیلنس 20 کروڑ روپے سے زائد ہے۔تھریک انصاف کے اثاثوں کی مالیت 15 کروڑ روپے سے زائد ہے۔ پی ٹی آئی نے سال 2015 میں انتخابی مہم پر 66 لاکھ، اشتہارات کی مد میں 25 لاکھ اور تفریح پر 28 لاکھ روپے سے زائد روپے خرچ کئے اورمجموعی طور پر 36 کروڑ 42 لاکھ روپے کا خرچہ کیا گیااورپھر بھی اس کے اکائونٹ میں 11 کروڑ 90 لاکھ روپے موجود ہیں۔

پاکستان عوامی تحریک کے اثاثوں کی مالیت 11 لاکھ 34 ہزار روپے سے زائد ہے جبکہ 2015 میں جماعت کی کل آمدن ایک کروڑ 87 لاکھ روپے اور اخراجات ایک کروڑ 79 لاکھ روپے سے زائد بنتے ہیں۔جماعت اسلامی کے اثاثوں کی مالیت 10 کروڑ روپے سے زائد، مسلم لیگ(ق)کے اثاثوں کی مالیت 5 کروڑ روپے، عوامی نیشنل پارٹی کے اثاثوں کی کل مالیت 2 کروڑ 82 لاکھ روپے جبکہ عوامی مسلم لیگ کے اثاثوں کی کل مالیت صرف ایک لاکھ 38 ہزار روپے ہے۔ایم کیوایم پاکستان کے اثاثوں کی مالیت 4 کروڑ 75 لاکھ روپے سے زائد بنتی ہے جبکہ جماعت نے شہدا ء فنڈ کے لئے 23 کروڑ روپے سے زائد کا چندہ وصول کیا اور 2015 میں 25 کروڑ روپے سے زائد کے اخراجات کئے۔

Facebook Twitter Google + Share on Whatsapp

مزید متعلقہ خبریں پڑھئیے‎ :

وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا

جمعرات 25 اپریل 2024 - 18:53

حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا

جمعرات 25 اپریل 2024 - 17:50

جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی

جمعرات 25 اپریل 2024 - 16:53

بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر

جمعرات 25 اپریل 2024 - 16:16

عمران خان نے سعودی عرب کے حوالے سے بیان پر میری سرزنش کی، شیرافضل مروت

جمعرات 25 اپریل 2024 - 15:58

رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد

جمعرات 25 اپریل 2024 - 15:41

سالانہ کمائی میں ایم کیو ایم، اخراجات اور اثاثوں میں پی ٹی آئی سب سے آگے ‘سیاسی جماعتوں کے اثاثوں کی تفصیلات جاری

مزید متعلقہ خبریں پڑھئیے‎ :

متعلقہ عنوان :

جمعہ 7 اپریل 2017 کی مزید خبریں