لاہور، فوجی جوان اپنی ڈ یوٹی سے 15منٹ پہلے ہی فرائض سرانجام دینے پہنچے تھے

بدھ 5 اپریل 2017 16:34

لاہور (اُردو پوائنٹ اخبار آن لائن۔ جمعرات 6 اپریل 2017ء)بید یاں روڈ پر خود کش دھماکے کے حوالے سے ابتدائی معلومات میں انکشاف ہوا ہے کہ دھماکہ 7بجکر 45منٹ پر ہوا اور فوجی جوان اپنی ڈیوٹی سے 15منٹ پہلے ہی فرائض سرانجام دینے پہنچے۔

(جاری ہے)

تفصیلات کے مطابق بیدیاں روڈ کے علاقے مانا والا چوک پر صبح 7بج کر 45منٹ پر خود کش حملہ آور نے مردم شماری کی ٹیم نشانہ بناتے ہوئے خود کو دھماکے سے اڑا یا۔مردم شماری کی ٹیم اور فوجی جوان پچھلے کچھ عرصے سے جائے وقوعہ پر اکھٹے ہو کر مردم شماری کے لیے جاتے تھے۔آج بھی فوجی جوانوں کو 8بجے مانا والا چوک میں جمع ہونا تھا لیکن فوجی جوان اپنی ڈیوٹی سے 15منٹ پہلے ہی پہنچ گئے تھے