فیڈرل بورڈ آف ریونیو نے ہر قسم کی چھٹیوں پر 3ماہ تک پابندی عائد کردی

تیسرے کوارٹر کا بجٹ حساب پورے کرنے کیلئے کسٹمز اور ان لینڈ ریونیو سروسز کے افسران کی چھٹیاں بند کرنے کا فیصلہ

بدھ 29 مارچ 2017 21:12

لاہور(اُردو پوائنٹ اخبار آن لائن۔ جمعرات 30 مارچ 2017ء)فیڈرل بورڈ آف ریونیو نے ہر قسم کی چھٹیوں پر 3ماہ تک پابندی عائد کردی۔

(جاری ہے)

تفصیلات کے مطابق ایف بی آر نے ہر قسم کی چھٹیوں پر تین ماہ کے لئے پابندی عائد کرکے تمام ریجنل چیف کمشنر اور چیف کلکٹرز کو سرکلر جاری کردیا، ایف بی آر نے تیسرے کوارٹر کا بجٹ حساب پورے کرنے کے لئے کسٹمز اور ان لینڈ ریونیو سروسز کے افسران کی چھٹیاں بند کرنے کا فیصلہ کیا ہے، ایف بی آر نے ممبر ان لینڈ ریونیو اور ممبر کسٹمز کو بھی سرکلر پر سختی سے عملدرآمد کرانے کا حکم دے دیا۔

سرکلر کے مطابق 30جون تک کسی افسر کوئی چھٹی نہیں ملے گی، ایکس پاکستان رخصت سمیت ہر قسم کی چھٹیوں پر پابندی کا اطلاق ہوگا۔ذرائع کے مطابق ایف بی آر میں ایک ہفتے میں دو چھٹیاں ہوتی ہیں اب اس میں سے بھی ایک چھٹی ختم کرنے کی تجویز پر غور کیا جارہا ہے۔