پی ٹی آئی کی سیاست بہتان تراشی ، جھوٹ اور جلن کا ملغوبہ ہے ،دھول جھونکنا اور چونا لگانا عمران خان کا ٹریڈ مارک ہے ،ہماری کارکردگی الحمد اللہ مخالفین سے بدرجہ بہتر ہے ،مسلم لیگ (ن) آئندہ انتخابات میں خیبرپختونخوا اور سندھ میں بھی اپنی حکومت بنانے کیلئے پرعزم ہے،وزیرریلوے خواجہ سعد رفیق کا بیان

بدھ 29 مارچ 2017 23:13

اسلام آباد(اُردو پوائنٹ اخبار آن لائن۔ جمعرات 30 مارچ 2017ء)وزیرریلوے خواجہ سعد رفیق نے کہا ہے کہ پی ٹی آئی کی سیاست بہتان تراشی ، جھوٹ اور جلن کا ملغوبہ ہے ،دھول جھونکنا اور چونا لگانا عمران خان کا ٹریڈ مارک ہے ،ہماری کارکردگی الحمد اللہ مخالفین سے بدرجہ بہتر ہے ،مسلم لیگ (ن) آئندہ انتخابات میں خیبرپختونخوا اور سندھ میں بھی اپنی حکومت بنانے کیلئے پرعزم ہے ۔

(جاری ہے)

بدھ کو اپنے ایک بیان میں خواجہ سعد رفیق نے کہا کہ عمران خان عادی جھوٹے اور حیاء سے عاری شخص ہیں ،پی ٹی آئی کی سیاست بہتان تراشی ، جھوٹ اور جلن کا ملغوبہ ہے ،دھول جھونکنا اور چونا لگانا عمران خان کا ٹریڈ مارک ہے ۔انہوں نے کہا کہ خیبرپختونخوا میں پی ٹی آئی نے ناقص ترین کارکردگی کا مظاہرہ کیا ،ہماری کارکردگی الحمد اللہ مخالفین سے بدرجہ بہتر ہے ،مسلم لیگ (ن) آئندہ انتخابات میں خیبرپختونخوا اور سندھ میں بھی اپنی حکومت بنانے کیلئے پرعزم ہے ۔

سعد رفیق نے کہا کہ پی ٹی آئی اور پیپلزپارٹی کو بیک وقت شکست دینے ،آصف زرداری اور عمران خان کے درمیان اصلی تے وڈی اپوزیشن بننے کی دوڑ لگی ہوئی ہے مگر ہمارا موٹو ہے کہ تم الزام لگاتے رہو ہم کام کرتے ہوئے آگے بڑھ جائیں گے ۔