سی پیک منصوبے کی آڑ میں وزارت منصوبہ بندی کی جانب سے مریم نواز کی سوشل میڈیا ٹیم کو نوازنے کا انکشاف
وزارت منصوبہ بندی میں سی پیک کے حوالے سے بریفنگ کیلئے مدعو چینی سفارت کار اس وقت دنگ رہ گئے، ذرائع
اسلام آباد(اُردو پوائنٹ اخبارآن لائن۔20مارچ۔2017ء)سی پیک منصوبے کی آڑ میں وزارت منصوبہ بندی کی جانب سے مریم نواز کی سوشل میڈیا ٹیم کو نوازنے کا انکشاف ہوا ہے ۔ ذرائع کے مطابق وزارت منصوبہ بندی میں سی پیک کے حوالے سے بریفنگ کیلئے مدعو چینی سفارت کار اس وقت دنگ رہ گئے جب مذکورہ اجلاس میں وزارت کے ملازمین سے کہیں زیادہ حکومتی جماعت مسلم لیگ ن کی سوشل میڈیا ٹیم کے کارکن پائے گئے ، چینی سفارتکار نے لیگی کارکنوں کی موجودگی پر تحفظات کا اظہار کیا تو ان کو مطمئین کرنے کیلئے ہنگامی طور پر سی پیک سیکرٹریٹ کے ملازمین کو اجلاس میں مدعو کیا گیا،چینی سفارتکار سے ملاقات میں شریک مسلم لیگ ن کے متعدد کارکنوں نے تصدیق کی ہے کہ انہیں وفاقی وزیر احسن اقبال کے معاون خصوصی عاصم خان نیازی نے مدعو کیا تھا جو مسلم لیگ ن کے ترجمان بھی ہیں واضح رہے کہ سی پیک دوطرفہ معاہدے کے مطابق اہم ترین منصوبے سے متعلقہ حساس معلومات تک تیسرے فریق کی رسائی دونوں اطراف کی اعلی قیادت کی تحریری اجازت کے بغیر ممکن نہیں ہونی چاہیے ۔
(جاری ہے)
مزید متعلقہ خبریں پڑھئیے :
متعلقہ عنوان :
