ملک بھر میں 19 سال بعد خانہ و مردم شماری کا آغاز ہوگیا ہے جو دو مراحل میں 25 مئی تک مکمل ہو گا

صبح 8 بجے ملک بھر کے منتخب اضلاع میں مردم شماری کے پہلے مرحلے کے دوران ایک لاکھ 18 ہزار سے زیادہ شمارکنندگان پہلے 3 روز تمام عمارتوں کی گنتی کریں گے ،ْپھر 18مارچ سے افراد کی گنتی شروع ہوگی

بدھ 15 مارچ 2017 17:43

اسلام آباد (اُردو پوائنٹ اخبار آن لائن۔ جمعرات 16 مارچ 2017ء)ملک بھر میں 19 سال بعد خانہ و مردم شماری کا آغاز ہوگیا ہے جو 25 مئی تک مکمل ہو گا۔ تفصیلات کے مطابق ملک بھر میں بدھ سے خانہ و مردم شماری کا آغاز ہو گیا ہے جو 2 مراحل میں 25 مئی تک مکمل ہو گا، مختلف شہروں میں شمار کنندگان کو متعلقہ سامان فراہم کر دیا گیا ہے ،ْصبح 8 بجے ملک بھر کے منتخب اضلاع میں مردم شماری کے پہلے مرحلے کے دوران ایک لاکھ 18 ہزار سے زیادہ شمارکنندگان پہلے 3 روز تمام عمارتوں کی گنتی کریں گے اور پھر 18 مارچ سے افراد کی گنتی شروع ہو گی، فوج کے 2 لاکھ جوان سیکیورٹی کیلئے بھی موجود ہوں گے ،ْ14 اپریل تک جاری رہنے والے مردم شماری کے پہلے مرحلے میں خصوصی فارم اور جدید ترین مشینری استعمال ہوگی تاکہ کوئی بھی مردم شماری کے نتائج پر اعتراض نہ کر سکے ،ْپہلے مرحلے میں پنجاب سے جو اضلاع شامل ہیں اٴْن میں لاہور، فیصل آباد، سیالکوٹ، ڈیرہ غازی خان اور راجن پور کے نام اہم ہیں ،ْ سندھ میں کراچی کے 6 اضلاع کے علاوہ حیدرآباد اور گھوٹکی میں بھی مردم شماری ہوگی۔

(جاری ہے)

خیبرپختونخوا کے ضلع پشاور، مردان، نوشہرہ، ڈیرہ اسماعیل خان، ایبٹ آباد اور فاٹا میں اورکزئی ایجنسی جیسے اضلاع میں لوگوں کی گنتی ہوگی۔ بلوچستان سے کوئٹہ، نصیرآباد، ڈیرہ بگٹی اور کوہلو کے اضلاع مردم شماری کے پہلے مرحلے کا حصہ ہیں اسی طرح آزاد کشمیر اور گلگت بلتستان کے 5، 5 اضلاع میں مردم شماری پہلے مرحلے میں ہی ہوگی۔مردم شماری کیلئے کراچی کو 14 ہزار 552 بلاکس میں تقسیم کر کے سیکیورٹی انتظامات کو حتمی شکل دیدی گئی ہے، فوج اور رینجرز کے علاوہ 16 ہزار پولیس افسران اور اہلکار سیکورٹی فرائض سرانجام دینگے۔

شہرقائد کو اس مقصد کے لیے 365 چارجز، 2 ہزار 412 سرکلز اور 14 ہزار552 بلاکس میں تقسیم کیا گیا ہے۔ ایک شمار کنندہ 2 بلاکس کا ذمہ دار ہوگا، ایک بلاک کی خانہ شماری 15 سی17 مارچ تک جاری رہے گی اور پھر 18 سی27 مارچ تک اسی بلاک کی مردم شماری ہوگی ،ْ 28 مارچ کا دن بے گھر افراد کی شماری کیلئے مختص کیا گیا ہے۔ خانہ اورمردم شماری کیلئے 16 ہزار افسران و اہلکار فرائض انجام دیں گے جن میں سے 10 ہزار500 اہلکار کراچی جبکہ ساڑھے 5 ہزار اہلکار اندرون سندھ سے بلائے گئے ہیں۔