پنجاب کے مختلف شہروں اور وفاقی دارالحکومت اسلام آباد میں رینجرز ، پولیس اور انٹیلی جنس ایجنسیوں کے مشترکہ سرچ آپریشنز

تین افغان باشندوں سمیت 33 مشتبہ افراد کو حراست میں لے لیا گیا ، اسلحہ اور دھماکہ خیز مواد برآمد ، آئی ایس پی آر

منگل 14 مارچ 2017 21:41

راولپنڈی(اُردو پوائنٹ اخبار آن لائن۔ بدھ 15 مارچ 2017ء)پنجاب کے مختلف شہروں اور وفاقی دارالحکومت اسلام آباد میں رینجرز ، پولیس اور انٹیلی جنس ایجنسیوں کے مشترکہ سرچ آپریشنز میں تین افغان باشندوں سمیت 33 مشتبہ افراد کو حراست میں لے لیا گیا جبکہ اسلحہ اور دھماکہ خیز مواد بھی برآمد کر لیا گیا۔

(جاری ہے)

آئی ایس پی آر کے مطابق پنجاب رینجرز، پولیس اور انٹیلی جنس ایجنسیوں کی طرف سے ڈیرہ غازی خان، لاہور ، راولپنڈی ، اسلام آباد، ناروال ، شکر گڑھ اور راجن پور مشترکہ سرچ آپریشنز کئے گئے اس دوران 33 مشتبہ افراد کو حراست میں لیا گیا جن میں تین افغان باشندے بھی شامل ہیں ۔ آپریشنز میں مختلف ہتھیار اور دھماکہ خیز مواد بھی برآمد کئے گئے ۔