بھارتی تحقیقاتی ایجنسی نے اڑی حملے میں سہولت کاری کی شبے میں گرفتار کیے گئے دو پاکستانی لڑکوں کو رہا کردیا

دونوں کیخلاف کیس بند کرکے انہیں پاکستان واپس بھیجنے کے لیے بھارتی فوج کے حوالے کردیا گیا‘ میڈیا رپورٹس

بدھ 8 مارچ 2017 20:41

نئی دہلی (اُردو پوائنٹ اخبار آن لائن۔ جمعرات 9 مارچ 2017ء)بھارتی تحقیقاتی ایجنسی نے اڑی حملے میں سہولت کاری کی شبے میں گرفتار کیے گئے دو پاکستانی لڑکوں کو رہا کردیا،دونوں پاکستانی لڑکوں کو گزشتہ سال ستمبر میں گرفتار کیا گیا تھا۔ٹائمز آف انڈیا کی رپورٹ کے مطابق نیشنل انوسٹی گیشن ایجنسی( این آئی اے )نے لڑکوں کے حوالے سے اپنی حتمی رپورٹ میں لکھا ہے کہ فیصل حسین اعوان اور احسن خورشید دہشتگردی کی اس کارروائی میں ملوث نہیں تھے۔

بھارتی تحقیقاتی ایجنسی کی رپورٹ میں انکشاف کیا گیا کہ دونوں لڑکے پاکستان کے زیر انتظام کشمیر کے رہائشی ہیں اور اپنے والدین سے تعلیم کے معاملے پر جھگڑا کرکے غلطی سے سرحد پار کرگئے تھے۔رپورٹ کے مطابق دونوں لڑکوں کے بیانات اور ان کے موبائل کے تکنیکی تجزیوں کی صورت میں حاصل ہونے والے ثبوتوں سے یہ واضح نہیں ہوتا کہ ان کا اڑی میں آرمی کیمپ پر حملہ کرنے والے دہشت گردوں سے کوئی تعلق تھا۔

(جاری ہے)

این آئی اے نے دونوں پاکستانی لڑکوں کے خلاف کیس بند کرکے انہیں پاکستان واپس بھیجنے کے لیے بھارتی فوج کے حوالے کردیا ہے۔قبل ازیں ٹائمز آف انڈیا کی رپورٹ میں اعلی سرکاری حکام کا حوالہ دیتے ہوئے کہا گیا تھا کہ دونوں پاکستانی لڑکوں کو جذبہ خیر سگالی کے تحت رہا کیا جارہا ہے کیونکہ پاکستان نے حال ہی میں بھارتی فوجی اہلکار چندو چون کو رہا کیا جو گزشتہ سال بھاگ کر پاکستان کے زیر انتظام کشمیر چلا گیا تھا۔

یاد رہے کہ مقبوضہ کشمیر میں لائن آف کنٹرول کے قریب اڑی میں واقع بھارت کے فوجی اڈے پر 18 ستمبر 2016 کو حملہ کیا گیا تھا۔بھارتی فوج نے اس حملے کے الزام میں غلطی سرحد پار کرنے والے دو پاکستانی لڑکوں فیصل حسین اعوان اور احسن خورشید کو پکڑ لیا اور سہولت کاری کا الزام لگایا۔

Facebook Twitter Google + Share on Whatsapp

مزید متعلقہ خبریں پڑھئیے‎ :

پاکستان سٹاک ایکسچینج میں کاروباری ہفتے کے اخری تیزی کا رجحان رہا، 100 انڈیکس میں مجموعی طور پر 751.35 پوائنٹس کا اضافہ

جمعہ 26 اپریل 2024 - 23:29

اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف

جمعہ 26 اپریل 2024 - 23:15

پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف

جمعہ 26 اپریل 2024 - 23:08

عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار

جمعہ 26 اپریل 2024 - 23:04

وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق

جمعہ 26 اپریل 2024 - 23:03

ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار

جمعہ 26 اپریل 2024 - 22:31

بھارتی تحقیقاتی ایجنسی نے اڑی حملے میں سہولت کاری کی شبے میں گرفتار کیے گئے دو پاکستانی لڑکوں کو رہا کردیا

دونوں کیخلاف کیس بند کرکے انہیں پاکستان واپس بھیجنے کے لیے بھارتی فوج کے حوالے کردیا گیا‘ میڈیا رپورٹس

مزید متعلقہ خبریں پڑھئیے‎ :

متعلقہ عنوان :

جمعرات 9 مارچ 2017 کی مزید خبریں