آپریشن ردالفساد ،ْمختلف شہروں میں چھاپے،160 سے زائد گرفتار

شجاع آباد کے مختلف علاقوں میں سرچ آپریشن کے دوران پانچ افراد گرفتار کرلئے گئے ،ْملزمان سے اسلحہ بھی برآمد

جمعرات 2 مارچ 2017 20:26

اسلام آباد (اُردو پوائنٹ اخبار آن لائن۔ جمعہ 3 مارچ 2017ء) آپریشن ردالفساد کے تحت ملک کے مختلف شہروں میں چھاپوں کے دوران 160سے زائد افراد کو گرفتار کرلیا گیا۔ملتان کی تحصیل شجاع آباد کے مختلف علاقوں میں سرچ آپریشن کے دوران پانچ افراد گرفتار کرلئے گئے ،ْملزمان سے اسلحہ بھی برآمد کیاگیاہے۔بھکر میں منکیرہ اور صدرکے علاقوں میں سرچ آپریشن کے دوران 32افراد کو حراست میں لیاگیا ،ْآپریشن کے دوران 300 افرد کی بائیو میٹرک تصدیق کی گئی ۔

(جاری ہے)

ادھرمیانوالی کے مختلف علاقوں میں گھر گھر تلاشی لی گئی ،ْ اس دوران 52مشتبہ افراد کو حراست میں لیاگیا ہے ۔پشاور میں تھانہ غربی، پہاڑی پورہ، چمکنی، پھندو کے مختلف علاقوں میں پولیس کے سرچ آپریشن میںسیکڑوں گھروں کی تلاشی لی گئی۔کئی علاقوں میں پولیس کے ساتھ سیکورٹی فورسز بھی شامل تھی۔سرچ آپریشن میں 65 مشتبہ افراد کو گرفتار کیا گیا ،ْ 3 افراد کو بغیر لائسنس کے اسلحہ رکھنے پر گرفتار کیا گیا ہے۔ 2 افراد کو منشیات فروخت کرنے کے الزام میں گرفتار کیا گیا ہے ،ْ 4 افرا کو کرایہ داری کے کوائف مکمل نہ کرنے پر گرفتار کیا گیا ۔پولیس کے مطابق گرفتار افراد سے 20 کلو سے زیادہ چرس اور شراب برآمد کی گئی ہی-