وفاقی وزیر خزانہ اورآرمی چیف کے درمیان ملاقات ، مالی سال 2017-18کے بجٹ کے تناظر میں پاکستان آرمی کی مالی ضروریات کے حوالے سے تبادلہ خیال

حکومت مسلح افواج کی قومی سلامتی اور ترقی بارے ضروریات پورا کرنے کیلئے تمام ممکنہ وسائل فراہم کرے گی ،اسحاق ڈار

منگل 28 فروری 2017 23:06

اسلام آباد(اُردو پوائنٹ اخبار آن لائن۔ بدھ 1 مارچ 2017ء)وفاقی وزیر خزانہ اورآرمی چیف جنرل قمر جاوید باجوہ کے درمیان جنرل ہیڈ کوآرٹر راولپنڈی میں ملاقات ہوئی جس میں مالی سال 2017-18کے بجٹ کے تناظر میں پاکستان آرمی کی مالی ضروریات کے حوالے سے بات چیت کی گئی ۔

(جاری ہے)

منگل کو وفاقی وزیر خزانہ اور چیف آف آرمی سٹاف جنرل قمر جاوید باجوہ کے درمیان جنرل ہیڈ کوآرٹر راولپنڈی میں ملاقات ہوئی ، ملاقات میں مالی سال 2017-18کے بجٹ کے تناظر میں پاکستان آرمی کی مالی ضروریات کے حوالے سے بات چیت کی گئی ، پاکستان آرمی جاری ترقیاتی منصوبے اور مستقبل کے ترقی کے منصوبوں پر بھی تفصیلی بات چیت کی گئی ۔

وفاقی وزیر خزانہ اسحاق ڈار نے کہا کہ حکومت مسلح افواج کی قومی سلامتی اور ترقی کے حوالے سے ضروریات پورا کرنے کیلئے تمام ممکنہ وسائل فراہم کرے گی ۔ (وخ+ ن م)