ملک میں کرپشن کے خاتمے کیلئے کوئی سنجیدہ نہیں، چوہدری نثار علی خان
ہماری بدقسمتی ہے کہ پاکستان میں اچھا کام مشکل اور غلط کام آسان ہے، حلال اور حرام کی تمیز ختم ہوچکی ، جائز اور ناجائز میں فرق نہیں، یہ باتیں تقریروں، دھرنوں اور احتجاج سے نہیں جائیں گی،وزیر داخلہ محاز آرائی، گالم گلوچ اور تشدد پر قابو پانے کی ضرورت ہے ، میرے پیچھے کرپشن کا بازار گرم ہو اور میں آپ کو کرپشن پر لیکچر دے رہا ہوں، قول و فعل کا تضاد قوموں کو لے ڈوبتا ہے،تقریب سے خطاب
ہفتہ 28 جنوری 2017 12:17
اسلام آباد (اُردو پوائنٹ اخبارآن لائن۔28جنوری۔2017ء) وفاقی وزیر داخلہ چوہدری نثار علی خان نے کہا ہے کہ کرپشن کو ختم کرنے میں ملک میں کوئی سنجیدہ نہیں یہ صرف نعرہ ہے۔ قوم کو اتحاد اور اتفاق کی طرف لیکر جانا ہے وہ قومیں کبھی ترقی نہیں کرسکتیں جو تقسیم اور جو داخلی خلقشار کا شکار ہوں،اگر کسی ملک نے ترقی کی ہے تو اس کے فیصلے چوکوں اور چوراہوں پر نہیں ہوئے بلکہ عدالتوں اور پارلیمنٹ میں ہوئے ہیں لیکن یہاں ایک غلط روش چل پڑی ہے لہذا ہر پاکستانی کا فرض ہے کہ اپنی آواز اٹھائے، غلط کو غلط کہے اور صحیح کو صحیح جب تک کوئی نہیں بولے گا یہ سب جاری رہے گا۔
سنگجانی پسوال میں تقریب سے خطاب کرتے ہوئے وزیر داخلہ چوہدری نثار نے کہا ہے کہ آج ہماری بدقسمتی ہے کہ پاکستان میں اچھا کام مشکل اور غلط کام آسان ہے، حلال اور حرام کی تمیز تقریباً ختم ہوچکی ہے، جائز اور ناجائز میں فرق نہیں یہ باتیں تقریروں، دھرنوں اور احتجاج سے نہیں جائیں گی۔(جاری ہے)
انہوں نے کہا کہ پاکستان میں اچھے لوگوں کی اکثریت ہے مگر وہ خاموش نہ ہوں بلکہ بولیں، اس ملک میں سچ دھندلا ساگیا ہے، کرپشن کی بات ہر کوئی کرتا ہے لیکن عمل نہیں کرتا اور اس کو ختم کرنے میں کوئی سنجیدہ نہیں ہے، یہ صرف نعرہ ہے جس میں لوگوں کو بیوقوف بنایا جارہا ہے، بہت سے لوگ مجھ سے ناراض ہوں گے لیکن یہ حقیقت ہے لہذا سچ کو دھندلا نہ ہونے دیں، حلال و حرام اور اچھے برے میں تمیز کریں جب یہ چیزیں ہوں گی تو ملک میں ترقی ہوگی۔
چوہدری نثار نے کہا کہ ہمیں تلخی، محاز آرائی، گالم گلوچ اور تشدد پر قابو پانے کی ضرورت ہے جب تک یہ نہیں ہوگا یہ سب باتوں میں ہی رہے گا اور عملی طور پر آپ اس ملک کی خدمت نہیں کررہے ہوں گے لہذا ہمارے قول اور فعل میں تضاد نہیں ہونا چاہیے، ایسا نہیں ہونا چاہیے کہ میرے پیچھے کرپشن کا بازار گرم ہو اور میں آپ کو کرپشن پر لیکچر دے رہا ہوں کیونکہ قول و فعل کا تضاد قوموں کو لے ڈوبتا ہے۔ وزیر داخلہ چوہدری نثار علی خان نے کہا ہے کہ منصوبے پر 65 کروڑ روپے لاگت آئی ہے اور اس منصوبے سے ٹیکسلا ‘ خانپور اور واہ کینٹ سمیت دیگر علاقوں کے لوگوں کو فائدہ ملے گا۔ انہوں نے کہا ہے کہ رابطے جتنے مضبوط ہوں گے ملک کا مستقبل اتنا ہی مضبوط ہوگا۔ مضبوط بنیادی ڈھانچہ اور ترقی پاکستان کا مستقبل ہوگا۔ انٹرچینج اور شاہراہیں صرف علاقوں کو نہیں دلوں کو بھی ملاتے ہیں اور ہمیں دلوں میں بھی انٹرچینج بنانے کی ضرورت ہے اور لوگوں کو ملانے کیلئے انٹرچینج روڈ اور شاہراہیں بنیں گی حکومت اور نجی شعبے کے اشتراک نے مشکل منصوبوں کو آسان بنا دیا ہے اور الله پر توکل اور جدوجہد ہے۔ ہر مسئلے پر قابو پالیں گے ۔ انہوں نے کہاکہ ہم زبانی کلامی پاکستان کا ذکر کرتے ہیں عملی طور پر ہماری ترجیحات کچھ اور ہیں ہمارے قول و فعل میں تضاد نہیں ہونا چاہیے بدقسمتی سے آج پاکستان میں اچھا کام کرنا مشکل اور برا کام کرنا آسان ہے۔ داخلی خلفشار قومیں کبھی ترقی نہیں کرسکتیں جو قومی اپنی حالت کو خود نہیں بدلنا چاہتیں ان کی الله پاک بھی مدد نہیں کرتا‘ ہمیں قوم کو اتحاد و اتفاق کی طرف لے کر جانا ہے اور اس کیلئے ملک کے اچھے لوگ خاموش نہ رہیں بلکہ آواز اٹھائیں اور کمزور آدمی کا ساتھ دیں اور طاقتور کو اگر روک سکتے ہیں تو روکیں ورنہ ان کو برا ضرور سمجھیں اور لوگوں میں آگاہی پیدا کریں ۔ انہوں نے مزید کہا ہے کہ سچ دھندلا گیا ہے اور آج سچ کو ثابت کرنے کیلئے جان تک دینی پڑتی ہے اور جھوٹ آسان اور عام ہوگیا ہے۔ اوپر بیٹھے لوگوں کو عام آدمی کے مسائل اور مشکلات کا کچھ پتہ نہیں ہوتا۔ طاقتور کمزور پر ظلم کے پہاڑ گرا رہا ہے مگر کوئی اس سے پوچھنے والا نہیں۔ انہوں نے مزید کہا ہے کہ ترقی یافتہ قوموں کے فیصلے ایوانوں میں ہوتے ہیں ناکہ گلی کوچوں میں پاکستان کا مستقبل روشن اور مضبوط ہے۔مزید متعلقہ خبریں پڑھئیے :
متعلقہ عنوان :
ہفتہ 28 جنوری 2017 کی مزید خبریں
-
کسی سے مرعوب نہیں ہونگے،لوگوں کی خواہش پر نہیں قانون پر فیصلہ دینگے، سپریم کورٹ
-
پارلیمنٹ ہنگامہ آرائی، سپیکر قومی اسمبلی نے پیر کو اعلی سطحی اجلاس طلب کر لیا
-
آرمی چیف نے چھٹی مردم شماری کیلئے فوجی تعینات کرنے کے پلان کی منظوری دے دی
-
ملک میں کرپشن کے خاتمے کیلئے کوئی سنجیدہ نہیں، چوہدری نثار علی خان
-
پاکستان ،افغانستان اور سعودی عرب ویزوں کی کڑی جانچ پڑتال ہوگی،ڈونلڈ ٹرمپ
-
عدلیہ آزاد اور خود مختار ادارہ ہے، چیف جسٹس آف پاکستان
-
خیبرپختونخواہ اسمبلی اجلاس :مسلم لیگ (ن) اور پی ٹی آئی ارکان آپس میں الجھ پڑے
-
کراچی:پاکستان میری ٹائم سکیورٹی کی کارروائی ،60بھارتی ماہی گیر گرفتار
-
سینیٹر سلیم مانڈوی والا کی زیر صدارت سینیٹ کی قائمہ کمیٹی برائے خزانہ کا اجلاس
-
سینیٹ کی ذیلی کمیٹی پانی و بجلی کا اجلاس
-
ملک تباہ ہورہا ہے، ادارے حکمرانو ں کی کرپشن چھپانے میں مصروف ہیں ، عمران خان
-
وزیرمملکت برائے نجکاری محمدزبیرکوگورنرسندھ بنانے کافیصلہ
-
قومی اسمبلی کا واقعہ شاہ سے زیادہ شاہ کے وفاداروں کی وجہ سے ہوا ،قمر زمان کائرہ
-
تحریک انصاف کے اراکین کوبدتمیزی پرمجبورکیاجاتاہے، شاہد خاقان عباسی
-
پشاور،پراجیکٹ ڈائریکٹراولس خان،ریجنل ڈپٹی پراجیکٹ ڈائریکٹرزصاحبزادہ عالمگیرخان اوراللہ بخش خردبرد کے الزام میں گرفتار
-
ڈپلومیٹک انکلیو سے بغیر اجازت لاکھوں روپے مالیتی عمارتی لکڑی بیچنے میں ملوث فارسٹ گارڈ ز کیخلاف کارروائی نہ ہوسکی ، افسران ٹال مٹول کرنے لگے
-
لاہور،شہر میں نیٹ میٹرنگ پراجیکٹ کا باقاعدہ آغاز کر دیا گیا
-
ہم نے کرپشن، ناانصافی، لوٹ مار اور مکرو فریب کی سیاست کو دفن کر دیا،پرویز خٹک
-
سینیٹ کی قائمہ کمیٹی مواصلات کا اجلاس:
-
وزیر آباد: ذہنی مریض بیٹے نے والد کو ٹوکے کے وار کرکے قتل کردیا
-
ٹرمپ کے صدارتی عہدہ سنبھالنے کے بعد پہلی غیر ملکی رہنما برطانوی وزیراعظم تھریسامے کی وائٹ ہاؤس آمد
-
یمن میں ’قحط کا خطرہ، ہر دس منٹ بعد ایک بچے کی موت‘
-
ریاست تامل ناڈو میں بھارت سے علیحدگی کے حق میں نعرے
-
آسٹریلیا ، چھوٹا طیارہ گر کر تباہ ،2افراد ہلاک
-
بھارتی سپریم کورٹ نے گائے ذبح کر نے پر ملک گیر پابندی عائد کرنے کا مطالبہ مسترد کردیا
-
امریکی وزارتِ خارجہ کے2 اہم افسران مستعفی، ٹرمپ انتظامیہ نے منظور کرلیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.