کراچی، سانحہ بلدیہ فیکٹری کیس ، انسداد دہشتگردی عدالت کا رؤف صدیقی کو شامل تفتیش کرنے کا حکم
حماد صدیقی کے بھی ریڈ وارنٹ جاری، کیس کا اہم ملزم رحمان بھولا اعترافی بیان سے مکر گیا
کراچی(اُردو پوائنٹ اخبارآن لائن۔27جنوری۔2017ء)سانحہ بلدیہ فیکٹری کیس میں انسداد دہشتگردی عدالت نے ایم کیو ایم کے رہنما رؤف صدیقی کو شامل تفتیش کرنے کا حکم دے دیا، حماد صدیقی کے ریڈ وارنٹ بھی جاری کردئیے گئے، کیس کا اہم ملزم رحمان بھولا میڈیا سے گفتگو میں اعترافی بیان سے مکر گیا ، کہتا ہے آگ لگانے میں اس کا کوئی کردار نہیں۔فیکٹری کو چاروں طرف سے بند کرکے کیمیکل چھڑکا جاتا ہے، آگ لگائی جاتی ہے، کچی پکی عمر والے 259 فیکٹری ورکرز درد اور اذیت سے چیختے ہیں، اِدھر اْدھر بھاگتے ہیں، جلتے ہیں ، کوئلہ بن کر مرجاتے ہیں اور ان کے پیچھے سیکڑوں خاندانوں کا مستقبل فیکٹری سے اْٹھنے والے سوگوار دھوئیں کی طرح تاریک ہوجاتا ہے، آگ کس نے لگائی، کیوں لگائی، کس کے حکم پر لگائی اور کون کون ملوث ہے؟یہ پتا لگانے کیلئے مقدمات بنے،ملزمان کا تعین کیا گیا اور پھرگرفتاریوں، جے آئی ٹیز اور تہلکہ خیز انکشافات سمیت بہت کچھ ہوا لیکن نہیں ہوا تو مجرموں کا حتمی تعین اور کیس کا فیصلہ۔
(جاری ہے)
مزید متعلقہ خبریں پڑھئیے :
متعلقہ عنوان :
