کرپشن کی کرکٹ ٹیم بنا رہا ہوں کپتان نواز شریف ہوں گے ‘ عمران خان
جنوبی پنجاب اور سرائیکی خطے کے لوگ تخت لاہور سے تنگ آچکے ہیں پانامہ کیس کی صورت میں اللہ تعالیٰ نے نواز شریف پر سوموٹو ایکشن لے لیا ، کرپٹ حکومت کا خاتمہ قریب ہے کرپشن کی جنگ جیت گئے تو نیا پاکستان بن جائے گا، ڈیرہ غازی خان میں جلسہ عام سے خطاب
پیر 16 جنوری 2017 11:38
ڈیرہ غازی خان (اُردو پوائنٹ اخبارآن لائن۔16جنوری۔2017ء) پاکستان تحریک انصاف کے چیئرمین عمران خان نے کہا ہے کہ کرپشن کی کرکٹ ٹیم بنا رہا ہوں کپتان نواز شریف ہوں گے ‘ جنوبی پنجاب اور سرائیکی خطے کے لوگ تخت لاہور سے تنگ آچکے ہیں۔ پانامہ کیس کی صورت میں اللہ تعالیٰ نے نواز شریف پر سوموٹو ایکشن لے لیا ہے کرپٹ حکومت کا خاتمہ قریب ہے کرپشن کی جنگ جیت گئے تو نیا پاکستان بن جائے گا۔
ڈیرہ غازی خان میں جلسہ عام سے خطاب کرتے ہوئے تحریک انصاف کے چیئرمین عمران خان نے کہا ہے کہ امید نہیں تھی کہ اتنی سردی اور بارش میں اتنے لوگ آئیں گے مجھے اتنی دیر کیبعد ڈی جی خان نہیں آنا چاہیے تھا ڈی جی خان کی عوام کو خراج تحسین پیش کرتاہوں اور ڈیرہ غازی کی عوام کے تمام مسائل حل کریں گے۔(جاری ہے)
انہوں نے کہا کہ جنوبی پنجاب کی عوام اور لاہور کے لوگ تخت لاہور سے تنگ آچکے ہیں۔
پانامہ لیکس کے بعد پاکستانی عوام کو شریف مافیا سے نجات مل جائے گی۔ لوگ نیا پاکستان چاہتے ہیں اور ہمیں وہ پاکستان بنانا ہے جہاں عام آدمی کابچہ سرکاری سکول میں پڑھ کر وزیراعظم بنے اور ایسا پاکستان بنائیں جہاں روزگار ملے اور تعلیم بھی مفت ملے۔ عمران خان نیکہا ہیکہ پانامہ لیکس کی صورت میں اللہ تعالیٰ نے نواز شریف پر سوموٹو نوٹس لے لیا ہے۔ پاکستانی عوام تیار ہوجائیں کرپٹ حکومت کا خاتمہ قریب ہے پانمہ میں وزیراعظم نواز شریف پکڑے گئیہیں۔ پانامہ کی جنگ پوری پاکستانی قوم کی جنگ ہے وزیراعظم نواز شریف نے پاکستان سے پیسہ چوری کرکے لندن میں اپنے بچوں کے نام رکھا ہے اور کہتے ہیں پانامہ میرے خلاف نہیں ہے اس میں میرے بچوں کے نام ہیں اگر فلیٹس کی مالکن مریم نواز نکلی تو نواز شریف کی چھٹی ہوجائے گی اور جب تک ملک میں کرپشن ختم نہیں ہوتی ملک کی حالت بہتر نہیں ہو گی اور اگرہم کرپشن کیجنگ جیت گئے تو نیا پاکستان بن جائے گا۔ نواز شریف کے خاندان کے بیرون ملک پانچ سو ارب روپے کے پراپرٹی اور بینک بیلنس ہیں۔ وزیراعظم کرپشن مافیا کو بچا رہے ہیں کرپشن کی وجہ سے نظام اور ادارے تباہ ہوئے جب تک زندہ ہوں کرپٹ اور ڈاکوؤن کو نہیں چھوڑوں گا اور جب نطریہ ختم ہوتا ہے تو قوم ختم ہوجاتی ہے۔ چھوٹا ٹولہ ملک میں کرپشن کرتا ہے تو ادارے تباہ کرتا ہے مگر جب وزیراعظم کرپشن کرے گا تو پورا ملک تباہ ہوگا۔ کرپسن کے خلاف جدوجہد عدل و انصاف کی جدوجہد ہے اور ہم دعا کرتیہ یں کہ انصاف کا نظام طاقتور اور کمزور کو ایک طرح سے دیکھے۔ مریم نواز کے پاس تو پیسہ نہیں تھا اس کا مطلب ہے یہ نواز شریف کا پیسہ ہے اور پانامہ انکشافات میں ثابت ہوتا ہے کہ فیئر اپارٹمنٹس کی ملکیت مریم نواز کی ہے ۔ نواز شریف نے قاضی فیملی کے اکاؤنتس میں پیسے ڈلوائے اور یہ پیسے منی لانڈرنگ کرکے باہر بھجوائے۔ اور پانامہ کے ذریعے نواز شریف سمیت بڑے بڑے لوگوں سے متعلق انکشاف ہوا مجھے ڈر ہے وزیراعظم کا وکیل یہ نہ کہہ دے نواز شریف وزیراعظم ہے انہیں چوری کی اجازت ہے۔ انہوں نے مزید کہا ہے کہ وہ پاکستان بنانا ہے جہاں غریب آدمی کو ہسپتال میں پیسے نہ دینے پڑیں اور ہر انسان قانون کے سامنے برابر ہوتا ہے ۔ غریب آدمی کو مفت اور بہترین علاج فراہم کیا جانا ہے ہمارا ملک فلاحی ریاست بننا تھا بدقسمتی سے یہاں انصاف نہیں ہر انسان کو حق ملنا انصاف ہوتا ہے پاکستان نطریہ پاکستان ہے اور لوگ مثالی اسلامی ریاست چاہتے تھے لاکھوں لوگوں نے پاکستان کیلئے قربانیاں دیں جن کوجیلوں میں ہونا چاہیے تھا وہ اسمبلی میں بیٹھے ہیں اور جن کی معاشرے کو مدد کرنی چاہیے ان کو نہ تو وکیل ملتے ہیں نہ ہی تعلیم‘ پاکستان کو نطریہ کی بنیاد پر پہلی اسلامی فلاحی ریاست بنائیں گے انہوں نے مزید کہا ہے کہ پاکستان کو دنیا کیلئے مثالی ملک بنائیں گے۔مزید متعلقہ خبریں پڑھئیے :
پیر 16 جنوری 2017 کی مزید خبریں
-
پاک فوج نے قومی شاہراہوں سے برف ہٹانے کی ذمہ داری جوانوں کو سونپ دی
-
صدر وفاق مولانا سلیم اللہ خان طویل علالت کے بعد رحلت فرماگئے
-
بلوچستان:بغیر اجازت گھومنے پھرنے پر9چینی باشندوں کو حفاظتی تحویل میں لے لیا گیا
-
شریف خاندان کی صلاحیت صرف پیسہ ہے ،شیخ رشید
-
امیرقطر شیخ تمیم بن حماد بن خلیفہ التھانی خصوصی دورہ کے لیے نورپورتھل پہنچ گئے، سخت سیکورٹی انتظامات
-
سیالکوٹ،مزدور سے جبری مشقت لینے پر فیکٹری مالکان گرفتار
-
کلرکہار،تین افراد سعودی عرب میں بنا کسی جرم کے جیل میں قید لواحقین سراپا احتجاج بن گئے
-
سوشل میڈیا پر آشنائی کابھیانک انجام نکلا،لڑکی نے انجینئرقتل کراکر رقیب سے شادی کرلی
-
آرمی چیف کا افغان صدراشرف غنی سے ٹیلی فونک رابطہ
-
حکومت نے پٹرولیم مصنوعات کی قیمتوں میں ا ضافہ کردیا
-
کرپشن کی کرکٹ ٹیم بنا رہا ہوں کپتان نواز شریف ہوں گے ‘ عمران خان
-
نیول چیف محمد ذکاء اللہ کی کمانڈر رائل بحرین نیول فورس سے ملاقات
-
فو جی عدالتوں کی مدت میں تو سیع کے حق میں نہیں ، اے پی سی بلائی جائے،مولانا فضل الرحمان
-
بلاول بھٹو زرداری کی سربراہی میں19جنوری سے حکومت مخالف تحریک چلائیں گے،قمر زمان کائرہ
-
پاک بحریہ کی کارروائی، حادثے کا شکار کشتی کے18ماہی گیروں کو تین گھنٹے طویل ریسکیو آپریشن کے بعد ڈوبنے سے بچا لیا
-
طالبان کے ترجمان وزیر داخلہ سارا دن جھوٹ بولتے اور غلط بیانی کرتے نظر آتے ہیں، خورشید شاہ
-
2016ء میں چین پاکستان تعلقات نئی بلندیوں پرچلے گئے ،سی پیک میں جوملک شامل ہونا چاہے ہوسکتاہے ،سرتاج عزیز
-
سینیٹر رحمان ملک براستہ برطانیہ امریکہ کیلئے روانہ
-
امریکی سفارت خانے کو یروشلم منتقل کرنے کے سنگین نتائج نکلیں گے،فرانس کا انتباہ
-
جنوبی بحیرہ چین میں روکا گیا تو جنگ چھڑ سکتی ہے‘ریکس ٹلرسن
-
ٹرمپ کی حلف برداری کے موقع پر امریکہ میں خواتین کے ملین مارچ کی تیاری
-
مشرقی شام میں داعش کے حملے، 30 ہلاک
-
امریکا کی آن لائن ویب سائٹ ایمیزون پرگاندھی کی تصویر والی چپل کی فروخت
-
امریکا میں مسجد کو آگ لگانے کا واقعہ، ایک شخص گرفتار
-
ایران، موٹر سائیکل چلانے پر دو خواتین گرفتار
-
افغان حکام کا مشرقی ضلع سے داعش کو پسپا کرنے کا دعویٰ
-
یمن سے سعودی سرحدی علاقے میں گولہ باروی ،ایک اہلکار جاں بحق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.