سانحہ کوئٹہ،انکوائری کمیشن نے رپورٹ سپریم کورٹ کو پیش کر دی
انکوائری کمیشن نے 17اکتوبر کو کاروائی کا آغاز کیا ،کئی گواہان کے بیانات قلم بند مختلف دستاویزات اکٹھی کیں، رپورٹ 13دسمبر کو سپریم کورٹ میں پیش کی چیف جسٹس انور ظہیر جمالی کی زیرصدارت سپریم کورٹ بنچ کاکمیشن کی رپورٹ پبلک کرنے کا حکم، سماعت جنوری کے تیسرے ہفتے میں مقرر کرنے کی ہدایت
جمعہ 16 دسمبر 2016 11:24
اسلام آباد/ کوئٹہ (اُردو پوائنٹ اخبارآن لائن۔16دسمبر۔2016ء) سپریم کورٹ آف پاکستان کیجانب سے 8اگست 2016 کو بلال انور کاسی ایڈوکیٹ کے قتل اور سول ہسپتال کوئٹہ کے بم دھماکے کے محرکات کے حوالے سے معلومات اکٹھی کرنے اور سفارشات مرتب کر کے سپریم کورٹ کو پیش کرنے کے لیے 6اکتوبر 2016 کو سپریم کورٹ کے جج جناب جسٹس قاضی فائز عیسیٰ پر مشتمل انکوائری کمیشن نے اپنی رپورٹ سپریم کورٹ کو پیش کر دی ہے، انکوائری کمیشن نے 17اکتوبر 2016 کو اپنی کاروائی کا آغاز کیا تھا، جس میں کمیشن نے کئی گواہان کے بیانات قلم بند کرنے کے ساتھ ساتھ مختلف دستاویزات اکٹھی کیں اور مقررہ مدت کے اندر اپنی کاروائی مکمل کرتے ہوئے اس کی باقاعدہ رپورٹ 13دسمبر 2016 کو سپریم کورٹ میں پیش کی، جس پر سپریم کورٹ آف پاکستان نے 15دسمبر 2016 کو سماعت مقررکرتے ہوئے اس کی شنوائی کی ، سپریم کورٹ کے چیف جسٹس انور ظہیر جمالی ، سپریم کورٹ کے جج صاحبان جسٹس فیصل عرب اور جسٹس اعجاز الحسن پر مشتمل بنچ نے کمیشن کی رپورٹ پبلک کرنے کے احکامات صادر کئے اور آئندہ سماعت جنوری کے تیسرے ہفتے میں مقرر کرنے کی ہدایت کی، سماعت کے دوران ایڈوکیٹ جنرل بلوچستان امان اللہ کنرانی، حکومت بلوچستان کی جانب سے راجہ عبدالرحمان ایڈوکیٹ سپریم کورٹ جبکہ وکلاء کی جانب سے کامران مرتضیٰ ایڈوکیٹ پیش ہوئے ، انکوائری کمیشن کی رپورٹ 110صفحات پر مشتمل ہے، رپورٹ کے صفحہ 6سے صفحہ 80تک کمیشن کے معزز جج صاحب نے تمام تر تفصیلات درج کرتے ہوئے صفحہ 75 سے صفحہ 80تک نتائج اور سفارشات سمیت اپنی حتمی رائے دی ہے، ، کمیشن نے حکومت پنجاب کی جانب سے فرانزک لیبارٹری کی سہولت کی فراہمی اور سانحہ کے لواحقین کی فوری مالی امداد ، ڈائریکٹر جنرل پی ایف ایس اے اور سائنس دانوں کی پیشہ وارانہ صلاحیتوں اور جذبہ کی تعریف کرتے ہوئے کہا ہے کہ حکومت بلوچستان کو ان کا شکر گزار ہونا چاہیے، ڈاکٹر شہلہ رضا کا ایثار اور خدمات دیگر ڈاکٹروں کے لیے قابل تقلید ہیں، وہ افراد بھی قابل تعریف قرار جنہوں نے خودکش حملہ آور کے جوتوں کے ذریعے ان افراد کی شناخت کی جنہوں نے جوتے خریدے تھے، بم دھماکے کے موقع سے شواہد اکٹھا کرنے والے، پولیس کی مدد کرنے والے انٹیلی جنس ادارے اور قانون نافذ کرنے والے ادارے کے وہ افراد جنہوں نے سانحہ میں ملوث دہشت گردوں کو حرمزئی میں ہلاک کیا بھی قابل تعریف قرار دئیے، جبکہ کمیشن نے وفاق المدارس کی جانب سے مثبت تعاون کی فراہمی کو سراہا ہے، انکوائری کمیشن نے اپنی سفارشات میں کہا ہے کہ نیکٹا کے قانون کو دہشت گردی کے خلاف موثر طور پر استعمال کیا جائے، انسداد دہشت گردی کے قانون کے تحت کالعدم تنظیموں کا نوٹیفکیشن جاری کیا جائے اور جو تنظیمیں دہشت گردی کی کاروائیوں کا دعویٰ کرتی ہیں انہیں کالعدم قرار دیتے ہوئے ان کی فہرست بنا کر ان تنظیموں اور ان سے تعلق رکھنے والے افراد کے نام اردو اور انگریزی زبانوں میں مشتہر کئے جائیں اور متعلقہ سرکاری محکموں ، وزارت داخلہ، وزارت اطلاعات، وزارت سرحدی امور اور تمام صوبوں کے داخلہ محکموں کی ویب سائٹ پر انہیں ڈالا جائے اور اشتہارات جاری کئے جائیں، دہشت گرد تنظیموں کے خلاف نمائشی کاروائی کے بجائے سنجیدگی سے اقدامات کئے جائیں، قومی سطح پر اس حوالے سے پالیسی وضع کی جائے اور تمام متعلقہ سرکاری ملازمین کو اس کا پابند کیا جائے بصورت دیگر وہ نتائج بھگتنے کے لیے تیار رہیں، کمیشن نے اپنی سفارشات میں عدالتی فیصلوں کی جانب توجہ دلاتے ہوئے نیکٹا اور حکومت بلوچستان کو ہدایت کی ہے کہ ان فیصلوں سے فائدہ اٹھایا جائے جو بلوچستان ہائی کورٹ نے 4سال قبل صادر کئے تھے، حکومت بلوچستان فوری طور پر سائنس لیبارٹری قائم کرے جو باوجود بھاری اخراجات اب تک قائم نہیں ہو سکی ہے، کمیشن نے ہدایت کی ہے کہ آئندہ ہر جائے وقوع کو فوری طور پر محفوظ کیا جائے ،اس کا فرانزک تجزیہ کرایا جائے اور اس کی تصاویر لی جائیں جو تفتیشی آفسر یہ کام نہ کر سکے اس کے خلاف انضباطی کاروائی کی جائے اور اسے اس کے سروس ریکارڈ کا حصہ بنایا جائے، ملک بھر میں ہوائی فائرنگ پر عائد پابندی پر سختی سے عملدرآمد کرایا جائے اور خلاف ورزی کے مرتکب افراد کے خلاف فوجداری مقدمات قائم کئے جائیں، بالخصوص قانون نافذ کرنے والے اداروں کو ہدایت کی جائے کہ آئندہ کسی حملے اور دہشت گردی کے واقعہ کے بعد ہوائی فائرنگ نہ کی جائے جس سے متاثرین ، ڈاکٹرز ، ایمرجنسی عملہ اور ابتدائی طبی امداد دینے والے خوفزدہ ہوں، کسی بھی ہنگامی صورتحال سے موثر طور پر نمٹنے کے لیے ایس او پی تیار کر کے قانون نافذ کرنے والے اداروں اور ہسپتالوں میں نافذ کی جائے تاکہ وہ کسی بھی ہنگامی صورتحال سے موثر طور پر نمٹ سکیں، کمیشن نے نیکٹا کو فوری طور پر متحرک اور فعال بنا کر اسے اپنے مقاصد پر عملدرآمد کرنے ،نیکٹا کے بورڈ آف گورنرز اور ایگزیکٹو کمیٹی کے اجلاس منعقد کر کے ادارے کے واضع مقاصد کے حصول کو یقینی بنانے اور مانیٹرنگ کے نظام کے قیام کے ساتھ ساتھ اس کی اردو زبان میں تشہیر کرنے کی سفارش بھی کی ہے، کمیشن نے حکومت بلوچستان کو سرکاری ہسپتالوں کی حالت کو بہتر بنانے ، پولیس کی اصلاح اور تعلیمی اداروں اور مدارس کو تحفظ فراہم کرنے کی ہدایت کی ہے، جبکہ سرحدوں کی حفاظت اور کنٹرول کو یقینی بنانے ، سرحدی آمدورفت کو دستاویزی شکل دینے کی سفارش بھی کی ہے، رپورٹ میں کہا گیا ہے کہ حرمزئی کا واقعہ اس امر کی نشاندہی کرتا ہے کہ سرحدی علاقوں میں دہشت گردوں کی پناہ گاہیں موجود ہیں، کمیشن نے ذرائع ابلاغ کو دہشت گردوں کے خیالات کی تشہیر نہ کرنے اور اس کی خلاف ورزی کی صورت میں قانونی کاروائی کرنے کی سفارش بھی کی ہے، کمیشن نے سانحہ کے شہداء کے ورثاء اور زخمیوں کو حکومت بلوچستان کی جانب سے اعلان کردہ معاوضوں کی فوری تقسیم کے عمل کو یقینی بنانے کی ہدایت بھی کی ہے۔
(جاری ہے)
مزید متعلقہ خبریں پڑھئیے :
متعلقہ عنوان :
جمعہ 16 دسمبر 2016 کی مزید خبریں
-
حویلیاں طیارہ حادثہ،جاں بحق 20افراد کی لاشیں پمز ،سردخانے میں موجود
-
سنٹرل سلیکشن بورڈ کااجلاس
-
پاک فضائیہ نے ائیرکموڈور ملک فہیم اللہ کو ائیر وائس مارشل کے عہدے پر ترقی دے دی گئی
-
قومی اسمبلی کا اجلاس دو گھنٹے تاخیر سے شروع ہوا
-
ایف 9- پارک میں دوست ملک چین کی جانب سے فراہم کردہ سولر لائٹ پلانٹ کی قلیل مدت میں تنصیب قابل ستائش ہے، اسحاق ڈار
-
پانامہ لیکس پر عدالت سے مایوسی ہوئی ،سراج الحق
-
وزیر اعلیٰ خیبر پختونخوا پرویز خٹک نے محکمہ اطلاعات خیبر پختونخوا کے پبلسٹی پلان کی منظوری دے دی
-
پاکستان اسٹاک مارکیٹ مسلسل بلندیوں کی جانب گامزن ، ہر روزنیا ریکارڈ
-
وفاقی وزیر ریلویز خواجہ سعد رفیق کا ٹرین میں موبائل چارجنگ کی سہولت فراہم کر نیکا حکم
-
جنوبی جرمن ریاست باویریا اور آسٹریا کے درمیان ہائے وے پر جرمن پولیس نے ناکے لگا لیے
-
بھارت، ریاست منی پور میں نکسل باغیوں کا حملہ
-
شام میں ترک طیاروں کی بمباری سے داعش کے 20 جنگجو ہلاک
-
چین نے متنازعہ جزائر میں ہتھیاروں کا نظام نصب کر دیا ہے ، امریکی تھنک ٹینک
-
شام میں داعش نے ہتھیاروں کا ایک بڑا ذخیرہ قبضہ میں لے لیا ہے ، امریکہ
-
شام ، حلب میں حکومتی فورسز کی تازہ پیشرفت ، مشرقی ضلع کا کنٹرول سنبھال لیا ، سینکڑوں باغیوں نے ہتھیار ڈال دیئے
-
جرمنی سے افغان باشندوں کی واپسی، درجنوں کابل پہنچ گئے
-
کولوراڈو کے ضلعی اسکول کے اساتذہ کو ہتھیار رکھنے کی اجازت
-
فساد کرنے والوں کو ختم کرنا ثواب کا کام ہے ،نواز شریف
-
سانحہ کوئٹہ،انکوائری کمیشن نے رپورٹ سپریم کورٹ کو پیش کر دی
-
پاکستان کی بھارتی وزیر داخلہ راجناتھ سنگھ کے بیان کی مذمت
-
قومی اسمبلی،تحریک انصاف نے وزیراعظم سے وضاحت مانگ لی
-
وزیراعظم نوازشریف کے اسمبلی فلور پر بولے گئے ہر لفظ کی ذمہ داری قبول کرتے ہیں،حکومت کا قومی اسمبلی میں اقرار
-
معروف نعت خواں جنید جمشید کی نماز جناہ ادا کردی گئی
-
ای سی سی اجلاس، سٹیل ملزکے ملازمین کی ڈیڑھ ماہ کی تنخواہوں کی ادائیگی ،انٹراسٹیٹ گیس سسٹم کے لئے فنڈزکی منظوری
-
سینیٹ ،قومی سلامتی پارلیمانی کمیٹی کی تشکیل کی تحریک پیش
-
روہنگیا مسلمانوں کے گروپ کی سربراہی کرنے والے لوگوں کا تعلق سعودی عرب اور پاکستان سے تھا ، آئی سی جی
-
وفاقی ایوان ہائے صنعت و تجارت کی تقریب میں شریک شخص کا وزیراعظم سے مکالمہ
-
سقوط ڈھاکہ سے کوئی سبق حاصل نہیں کیا گیا ،حکمران کئی مکتی باہنی تنظیموں کو دودھ پلا رہے ہیں: ڈاکٹر طاہر القادری
-
فاروق ستار کاتبلیغ پر جانے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.