وفاقی وزیر منصوبہ بندی احسن اقبال کے ساتھ سی پیک منصوبے پر تفصیلی بات چیت ہوئی ،پرویز خٹک
خیبرپختونخوا کی تمام دینی اور سیاسی جماعتوں کے قائدین کو وزیر اعظم نوازشریف طلب کریں۔ اور انہیں یقین دلائیں کہ مغربی کوریڈور کو وہی تمام مراعات حاصل ہوں گی، وزیراعلیٰ
ہفتہ 12 نومبر 2016 11:05
پشاور(اُردو پوائنٹ اخبارآن لائن۔12نومبر۔2016ء)وزیر اعلیٰ خیبرپختونخوا پرویز خٹک نے کہا ہے کہ وفاقی وزیر منصوبہ بندی احسن اقبال کے ساتھ سی پیک منصوبے پر تفصیلی بات چیت ہوئی ہے۔ میں نے ان کودو ٹوک الفاظ میں کہا ہے کہ خیبرپختونخوا کی تمام دینی اور سیاسی جماعتوں کے قائدین کو وزیر اعظم نوازشریف طلب کریں۔ اور انہیں یقین دلائیں کہ مغربی کوریڈور کو وہی تمام مراعات حاصل ہوں گی جو سنٹر ل کوریڈور میں ہے اور جب پوری سیاسی قیادت کو اطمینا ن ہوجائے توسپیکر خیبرپختونخوا اسمبلی اپنا کیس واپس لے لیں گے ۔
اگر وزیر اعظم سیاسی قائدین کو مطمئن نہ کرسکے تو یہ سی پیک کامعاملہ سنگین صورت اختیار کرسکتا ہے ہم کسی صورت صوبے کے حقوق پر سمجھوتہ نہیں کرسکتے اورنہ میں اکیلے یہ فیصلہ کرسکتاہوں۔(جاری ہے)
انہوں نے کہاکہ افغان مہاجرین کے حوالے سے چودہ نومبر کووفاقی وزیر سیفران جنرل عبدالقادر بلوچ نے اہم اجلاس طلب کیا ۔ جس میں میں پارٹی کے وائس چیئرمین شاہ محمود قریشی کے ہمراہ شرکت کریں گے اور اس حوالے سے وفاقی حکومت نے جو فیصلہ کیا اس پر عمل کیا جائے گا۔
ایک ہفتے قبل تک ساڑے تین لاکھ سے زائد افغان مہاجرین طور خم باڈر کراس کر چکے ہیں ۔ سپریم کورٹ نے نیب زدہ سرکاری ملازمین کو نوکریوں سے نکالنے اور ان کے خلاف اعلی سطحی تحقیقات کرنے کی جو ہدایت کی ہے۔ ایک ہفتے کے اندر اندر ان سرکاری ملازمین کے خلاف یہ تحقیقات مکمل کی جارہی جس میں ساڑے آٹھ سو پٹواری اور دیگر اعلی افسر شامل ہیں۔ سپریم کورٹ کے حکم کے مطابق سب کونوکریوں سے برخواست کریں گے۔ وہ نوشہرہ کینٹ میں آصف خان خٹک کی رہائش گاہ پرذرائع ابلاغ کے نمائندوں سے بات چیت کررہے تھے اس موقع پر ایم این ڈاکٹر عمران خٹک، صوبائی وزیر ایکسائز اینڈ ٹیکسیشن میاں جمشید الدین کاکا خیل، آصف خان خٹک، ضلع ناظم نوشہرہ لیاقت خان خٹک ، وزیراعلیٰ کمپلینٹ سیل نوشہرہ کے چیئرمین حسین احمد خٹک، عارف خان خٹک، فیصل خٹک، وحید پلوسئی، مہاد علی بھی موجود تھے پرویز خٹک نے کہا کہ وفاقی وزیر منصوبہ بندی احسن اقبال نے پرزور خواہش کی کہ وہ صوبائی حکومت کو سی پیک کے حوالے سے بریفنگ دینا چاہتے اور ان کے تحفظات دور کرنا چاہتے ہیں چنانچہ ان کے ساتھ گزشتہ روز تفصیلی بات چیت ہوئی۔ احسن اقبال نے سی پیک منصوبے کے حوالے تمام وضاحتیں کی۔ اور مغربی کاریڈور کوتمام مراعات دینے کا اعادہ کیا۔ پرویز خٹک نے کہا کہ میں نے احسن اقبال کو مشورہ دیا کہ وزیر اعظم نوازشریف خیبرپختونخوا اسمبلی میں موجود تمام پارٹی کے مرکزی قائدین کااجلاس بلائیں۔اور وزیر اعظم ان کو اعتماد میں لیں ۔ وزیر اعظم نے آل پارٹی کانفرنس میں میڈیا کے سامنے مغربی کاریڈور کو تمام مراعات دینے کا جو اعلان کیا تھا۔ اس حوالے سے تمام پارٹی قائدین کومطمئن کریں تاکہ سب ملکر ایک فیصلہ کریں اور اس منصوبے سے سیاست اور یہ غلط پروپیگنڈے ختم ہوجائیں، وزیر اعلیٰ پرویز خٹک نے کہاکہ میں خود بھی اجلاس میں شریک ہوں گا۔ پرویز خٹک نے کہا کہ جس دن وزیراعظم سب کو بلالیں اور ساری چیزیں سب سامنے رکھ دیں تو یہ مسئلہ حل ہوجائے گا اور جب تک وزیر اعظم کسی کو نہیں بلاتے تو یہ مسئلہ کبھی حل نہیں ہوسکتا اور مزید یہ مسئلہ خرابی کے طرف جارہاہے، انھوں نے کہا کہ اگر وزیر اعظم نے تمام پارٹیوں کے لیڈروں کو بلایا اور تمام پارٹی لیڈر اس منصوبے سے مطمئن ہوگئے تو ہم عدالت عالیہ پشاور ہائی کورٹ سے اپنا کیس واپس لے لیں گے۔ پرویز خٹک نے افغان مہاجرین کی وطن واپسی کے حوالے سے ایک سوال کا جواب دیتے ہوئے کہا کہ 14 نومبر کو وفاقی وزیر سیفران ریٹائرڈ جنرل عبدالقادر بلوچ کے ساتھ شاہ محمود قریشی اور دیگر رہنماؤں کے ہمراہ میٹنگ ہورہی ہے جس میں مختلف پارٹیوں کے لیڈر شامل ہوں گے اس اجلاس میں وفاقی حکومت افغان مہاجرین کے حوالے سے بریفینگ دے گی کہ افغان مہاجرین کس طریقے سے واپس جارہے ہیں،افغان مہاجرین کو تیس مارچ تک واپسی کی آخری تاریخ دی گئی ا ور اسی ٹائم فریم کے اندر جو غیر رجسٹرڈ افغان ہیں انہیں رجسٹرڈ کرنے کا پروگرام ہے یا انکو بھی واپس بھیج دیا جائے گا، افغان مہاجرین کی واپسی کے حوالے سے اب افغان حکومت بھی چاہتی ہے کہ افغان اپنے ملک میں واپس آئیں اور ملک کی تعمیر و ترقی میں اپنا کردار ادا کریں ۔ انھوں نے کہا کہ افغان مہاجرین ہمارے مہمان ہے جب تک وفاقی حکومت اس بارے میں کوئی فیصلہ نہیں کرتی یہ ہمارے صوبے میں رہیں گے انھوں نے کہا کہ اب تک اطلاعات کے مطابق ایک ہفتے قبل ساڑے تین لاکھ کے قریب افغان مہاجرین طورخم کے راستے جاچکے ہے اور روزانہ کچھ نہ کچھ جار ہے ہیں،واپس جانے کے لیے ان کے مراعات بھی ڈبل ہوچکے ہیں ،انھوں نے کہا کہ پہلے بارڈر منیجمنٹ نہیں ہوتی تھی جسکی وجہ سے افغان بارڈر کراس کرلیتے تھے اور پھر واپس آجاتے تھے لیکن اب واپس آنے کے راستے بند ہوچکے ہیں اس لیے کچھ افغان مہاجر اپنی مرضی سے افغانستان جارہے ہیں اور کچھ افغان مہاجرین کوافغان حکومت بلا رہی ہے ۔ بارڈر منیجمنٹ سے ہمارا ملک محفوظ ہوگیااور جو یہاں سے جاتا ہے وہ بغیر پاسپورٹ کے واپس نہیں آسکتا۔ انھوں نے اے این پی کے صوبائی صدر سابق وزیر اعلی امیر حیدر ہوتی کے گزشتہ کے جلسے پر تبصرہ کرتے ہوئے کہا کہ میں اب بھی اپنی بات پر قائم ہوں میں جس حکومت میں بھی ہوتا تھا تو ہمارے لیڈ ر چور اور ڈاکو ہوتے تھے ، اور چور کو چور ہی کہتے ہیں ، یہ لوگ چوری بھی کرتے ہیں اور سینہ زوری بھی کرتے ہیں۔ انھوں نے کہا کہ میری اللہ سے دعا ہے کے سارے چور اور ڈاکو پکڑے جائیں،اور پکڑے بھی گئے ہیں انھوں نے کہا کہ معصوم شاہ نے پچیس کروڑ روپے دئیے تو یہ پیسے کہاں سے آئے ، سابق وزیر اعلی کے برادر ان جیل میں رہے ہیں،ان کے ایک اور ساتھی نے پندرہ کروڑ روپے دیے تو یہ پیسے کہاں سے آئے یہ سب چور ہیں یہ چوری نہیں تو اور کیا ہے۔انھوں نے کہا کہ سپریم کورٹ کے فیصلوں کے حوالے سے بتایا کہ سپریم کورٹ نے نیب زدہ افسران کے خلاف جو فیصلہ کیا ہے اسی کی روشنی میں خیبرپختونخوا حکومت نے تحقیقات شروع کردی۔ ایک ہزار سے زائد سرکاری اہلکاروں کی فہرست موصول ہوئی ہے جس میں آٹھ سو پچاس پٹواری ہیں۔جنھوں نے پلی بارگین کی اوراس کے علاوہ سیکرٹری اور کمشنر لیول کے افسران بھی شامل ہیں۔ اس پر چیف سیکرٹری خیبرپختونخوا نے ہر لیول پر انکوائری کمیٹیاں تشکیل دے دی ہیں جنھوں نے اپنا کام شروع کردیا اور جو سات دنوں میں اپنی رپورٹ سپریم کورٹ کے فیصلوں کی روشنی میں دیں گے ہم کسی کو معاف نہیں کریں گے ہم سپریم کورٹ کے فیصلوں کا خیر مقدم کرتے ہیں ۔یہ بات خوش آئند ہے۔انھوں نے کہا کہ پرانی پوسٹوں پر دوبارہ جو لوگ بحال ہوتے ہیں ان کے خلاف عدالت نے بہت اچھا فیصلہ کیا ہے اور اس پر ہم نے عملدرآمد بھی شروع کردیا ہے جن لوگوں نے پیسوں کی بار گینگ کی ہے اور پھر اسی پوسٹ پربیٹھ گئے ہیں انکے خلاف ڈیپارٹمنٹل انکوائری شروع ہو گئی ہے اور سب کو نوٹس بھی جاری کردیئے گئے ہیں۔ اور بہت بڑے بڑے لوگ اس لسٹ میں شامل ہیں اور سپریم کورٹ کے فیصلے کے مطابق ان سب کو جانا پڑے گا۔انھوں نے کہا کہ ہم نے تبدیلی کاجو نعرہ لگایا تھا پوری قوم ہمارے ساتھ متفق ہے اس ملک سے کرپشن کاخاتمہ ہونا چاہے خیبرپختونخوا کے غریب عوام اور ملک مزید کرپشن برداشت نہیں کرسکتا۔مزید متعلقہ خبریں پڑھئیے :
متعلقہ عنوان :
ہفتہ 12 نومبر 2016 کی مزید خبریں
-
وزیر اعظم کادورہ سانگلہ ہل ،مسلم لیگ ن ٹکڑوں میں بٹی دکھائی دی
-
اوپن یونیورسٹی انتظامیہ نے میٹرک سطح کے انگریزی پیپر میں نامناسب سوال پر سخت نوٹس لے لیا
-
لاہورہائیکورٹ، جھنگ کے ضمنی الیکشن میں حصہ لینے والے دو امیدوار راشدہ یعقوب اور محمد احمد لدھیانوی نااہل قرار
-
وفاقی وزیر منصوبہ بندی احسن اقبال کے ساتھ سی پیک منصوبے پر تفصیلی بات چیت ہوئی ،پرویز خٹک
-
اسلامی نظریاتی کونسل نے مردوں کے حقوق سے متعلق درخواست کوبحث کیلئے منظورکرلیا
-
گورنر سندھ کوبغیر بتائے ہٹایا گیا‘ شریف خاندان اپنی بادشاہت بچارہا ہے،بلاول بھٹو
-
عوامی تحریک کا وفاقی حکومت کی اقتصادی ترقی پر وائٹ پیپر جاری
-
اسلام آباد ،25سال میں ملک کے مختلف حکمرانوں نے 209ارب روپے کے قرضے معاف کرائے
-
رائیونڈ،تبلیغی اجتماع میں افغان باشندوں سے افغان شناختی کارڈ برآمد،فارنر ایکٹ کے تحت مقدمہ درج
-
محکمہ ایکسائز اینڈ ٹیکسیشن پنجاب کا خالی پلاٹوں پر بھی ٹیکس عائد کرنے کا فیصلہ
-
لاہور،پی ٹی آئی نے نسوار و گٹکا کی فروخت روکنے کیلئے پنجاب اسمبلی سیکرٹریٹ میں قرارداد جمع کرا دی
-
ٹرمپ اوباما ملاقات ، دونوں رہنما الجھے دکھائی دیئے
-
ترکی ،دہشتگردوں سے تعلق کے شبہ میں 370تنظیموں پرپابندی عائد
-
دولت اسلامیہ نے 40 لاشیں کھمبوں سے لٹکا دیں: اقوام متحدہ
-
شینگن زون، قومی سرحدوں کی نگرانی کی مدت میں تین ماہ کی توسیع
-
نائجیریا میں تین خود کش بمبار خواتین ہلاک
-
مصر میں دو لڑکیاں سیلفی بناتے ہوئے چوتھی منزل سے گر کر شدید زخمی ،ہسپتال منتقل
-
میکسیکو سے مذاق، فارمولا ون ڈرائیورپیریز کا ہاکرز سے اسپانسرختم کرنے کااعلان
-
ڈونلڈٹرمپ کا چین ، برطانیہ ،یورپی یونین کی قیادت کے ساتھ ملاقاتیں کرنے کافیصلہ
-
جان ابراہم کی 'فورس 2' بھی پاک-بھارت مسائل کا شکار
-
ترک اخبار’جمہوریت‘ کے پبلشر کو بھی گرفتار کر لیا گیا
-
انتشار اور تشدد کی سیاست پھیلانے والوں کے لئے میں ڈکٹیٹر ہوں، چوہدری نثار
-
عوام کو ترقی کی راہ میں حائل ہونے والوں سے پوچھنا چاہیے کہ وہ کیا چاہتے ہیں،نوازشریف
-
آرمی چیف کا دورہ سوات ، قبائلی عمائدین میں گھل مگ گئے
-
اسلام آباد، عمران خان کی زیر صدارت پی ٹی آئی کا اعلی سطحی اجلاس
-
بھارتی فوج کی ایل او سی پر وادی نیلم کے مقام پر گولہ باری، پاک فوج کا بھرپور جواب ، آئی ایس پی آر
-
تحریک انصاف پانامہ لیکس پر 323 صفحات پر مشتمل ثبوت سپریم کورٹ میں جمع کرا چکی ہے،شاہ محمود قریشی
-
پاکستان میں دہشت گردی کی واردات ہو جاتی ہے پتہ نہیں چلتا ٹیکنالوجی کس طرف سے استعمال کی گئی ،سینیٹر داؤد خان اچکزئی
-
گڈانی واقعہ،تحقیقاتی کمیٹی کا 90 فیصد کام مکمل ،رپورٹ جلد وزیر اعظم کو پیش کی جائیگی
-
2015ء میں شدید گرمی سے 1200 افراد کی ہلاکت کے باوجود پاکستان تاحال ماحولیاتی تبدیلیوں سے دوچار دنیا کے دس بڑے ممالک کی فہرست میں شامل نہیں ہوا،گلوبل کلائیمیٹ رسک انڈیکس2017 رپورٹ
-
مقبوضہ کشمیر :بھارتی فوجیوں نے تین کشمیری نوجوان شہید کر دیئے
-
ترک صدر آئندہ ہفتے 2 روزہ دورے پر پاکستان آئیں گے
-
ٹرمپ کی کامیابی کے ساتھ ہی مسلمانوں پر حملے شروع
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.