شامی حکومت کی جانب سے زہریلی گیس کا استعمال، وائٹ ہاوٴس کی طرف سے مذمت

پیر 24 اکتوبر 2016 11:07

واشنگٹن (اُردو پوائنٹ اخبارآن لائن۔24اکتوبر۔2016ء)وائٹ ہاوٴس کی جانب سے شام میں خونریزی سے متاثرہ علاقوں میں زہریلی گیس استعمال کرنے پر دمشق حکومت کی مذمت کی گئی ہے۔

(جاری ہے)

وائٹ ہاوٴس کی نیشنل سکیورٹی کونسل کے ترجمان نے اپنے ایک بیان میں کہا کہ عالمی اقدار کو نظرانداز کرتے ہوئے اسد حکومت کی جانب سے کیمیکل ہتھیار استعمال کیے جانے کی ہر ممکن طریقے سے مذمت کی جاتی ہے۔

ایک روز قبل اقوام متحدہ کی ایک خصوصی انکوائری ٹیم اور کیمیائی ہتھیاروں کی نگرانی کرنے والے ادارے نے شامی حکومت کی جانب سے کیمیائی ہتھیاروں کے تیسری مرتبہ استعمال کی توثیق کر دی تھی۔ شام میں کیمیائی ہتھیاروں کے استعمال کے بارے میں یہ چوتھی رپورٹ تھی۔ ایسی ہی ایک رپورٹ رواں برس اگست میں بھی جاری کی گئی تھی۔