تھری اور فور جی انٹرنیٹ کا استعمال،سال 2015ء پاکستانیوں نے تقریبا ایک سو ارب روپے ٹیلی کام کمپنیوں کی جیبوں میں ڈال دیئے

پیر 17 اکتوبر 2016 10:56

اسلام آباد(اُردو پوائنٹ اخبارآن لائن۔16اکتوبر۔2016ء) پاکستانی تھری اور فور جی انٹرنیٹ کے دیوانے نکلے۔ مالی سال دو ہزار پندرہ سولہ میں تقریبا ایک سو ارب روپے ٹیلی کام کمپنیوں کی جیبوں میں ڈال دیئے۔ گذشتہ مالی سال میں تھری اور فور جی انٹرنیٹ پر 98 ارب روپے اڑا دیئے جس سے ٹیلی کام کمپنیوں کے وارے نیارے ہو گئے۔

(جاری ہے)

پی ٹی اے کی سالانہ رپورٹ کے مطابق ٹیلی کام کمپنیوں نے تھری اور فور جی سروس سے27فیصداضافی کمائی کی پاکستان میں تیز انٹرنیٹ صارفین کی تعداد 3 کروڑ 22 لاکھ سے تجاوز کر گئی۔

ٹیلی کام کمپنیوں نے مالی سال دو ہزار پندرہ سولہ میں 452 ارب روپے ریونیو کمایا۔ اس عرصے کے دوران ٹیلی کام سیکٹر میں 659 ملین ڈالرکاسرمایہ لگایاگیا پی ٹی ایکوگذشتہ مالی سال میں انٹرنیٹ صارفین کی 22ہزار866 شکایات موصول ہوئیں جن میں سے 99.6 فیصد نمٹا دی گئیں۔

متعلقہ عنوان :