ٹائم میگزین کے تازہ شمارے کے سرورق پر قرآنی آیت کا ترجمہ شامل

پیر 10 اکتوبر 2016 10:44

نیویارک(اُردو پوائنٹ اخبارآن لائن۔10اکتوبر۔2016ء) معروف امریکی جریدے ٹائم میگزین نے اپنے سرورق پر قرآن مجید کی سْورة المآئِدة کی آیت نمبر 32 کا ترجمہ شائع کیا ہے جس کا ترجمہ ہے کہ ’ جس کسی نے بھی ایک انسان کی جان بچائی گویا اس نے پوری انسانیت کو بچالیا۔ میڈیارپورٹس کے مطابق ٹائم میگزین کے سرورق پر شائع رپورٹ شام میں رضا کاروں کے ایک گروپ ’ سفید ہیلمٹ‘ پر ہے جو اپنی جان کی پرواہ کئے بغیر دن رات جنگ میں زخمی ہونے والے افراد کو طبی امداد پہنچارہے ہیں۔

(جاری ہے)

وائٹ ہیلمٹ کے رضاکاروں نے اب تک ہزاروں افراد کی جانیں بچائی ہیں۔ یہ گروپ بمباری کے بعد فوراً متاثرہ علاقوں میں پہنچتا ہے اور معصوم شہریوں کی زندگیاں بچانے کی بھرپور کوشش کرتا ہے۔ اس گروپ کو ستمبر میں ’ رائٹ لائیولی ہْڈ ایوارڈ‘ بھی دیا گیا اور کئی حلقوں نے انہیں نوبیل امن انعام دینے کی درخواست بھی کی ہے۔ شامی شہری دفاع کا یہ گروپ عمارت کیملبے تلے دبے افراد کو نکال کر انہیں فوری طبی امداد پہنچاتا ہے اور اس میں شامل خواتین و مرد رضاکار متاثرین کی جانیں بچانے کی کوشش کرتے ہیں۔

Facebook Twitter Google + Share on Whatsapp

ٹائم میگزین کے تازہ شمارے کے سرورق پر قرآنی آیت کا ترجمہ شامل

پیر 10 اکتوبر 2016 کی مزید خبریں