وزیر داخلہ سے لارڈ نذیر کی ملاقات ،پاک برطانیہ تعلقات سمیت مقبوضہ کشمیر کی صورت حال پر تبادلہ خیال
بھارت ریاستی جبر سے کشمیریوں کے حق خودارادیت کو دبا نہیں سکتا،چوہدری نثار علی خان بیرون ملک مقیم پاکستانیوں کے مسائل کے حل کیلئے حکومتی کاوشیں قابل تعریف ہیں،لارڈ نذیر
اسلام آباد(اُردو پوائنٹ اخبارآن لائن۔28ستمبر۔2016ء) وفاقی وزیر داخلہ چوہدری نثار علی خان سے لارڈ نذیر احمد نے ملاقات کی جس میں پاکستان برطانیہ تعلقات اور پاک بھارت موجودہ تناؤ کی صورتحال پر تبادلہ خیال کیا گیا، منگل کے روز اسلام آباد میں دونوں رہنماؤں کے درمیان ہونے والی ملاقات میں برطابیہ میں مقیم پاکستانی کمیونٹی کے کردار اور ان کی درپیش مسائل پر بات چیت کی گئی، وزیر داخلہ چوہدری نثار نے کہا کہ الطاف حسین کے معاملے پر حکومت برطانیہ کا جواب حوصلہ افراء ہے، امید ہے آئندہ دنوں میں الطاف حسین کے حوالے سے مزید پیشرفت ہوگی،انہوں نے کہا کہ پاکستان بھارت کشیدگی کی متبادل آج بھی مسئلہ کشمیر ہی ہے، بھارت کشیدگی کا سہارا لیتے ہوئے مسئلہ کشمیر سے عالمی توجہ پٹانا چاہتا ہے، بھارت ریاستی جبر سے کشمیریوں کی حق خودارادیت کی جہدوجہد کو دوبانہ چاہتا ہے جو مکن نہیں، پاکستان کو کشمیری بھائیوں کی سیاسی، سفارتی اور اخلاقی حمایت سے نہیں روکا جاسکتا، اس موقع پر لارڈ نذیر کا کہنا تھا کہ بیرون ملک مقیم پاکستانیوں کے مسائل کے حل کیلئے وزیر داخلہ کی کاوشیں قابل تعریف ہیں۔
مزید متعلقہ خبریں پڑھئیے :
متعلقہ عنوان :
