جر منی میں نو سالہ بچے نے ننھے بھائی کی زندگی بچا لی

بدھ 7 ستمبر 2016 09:59

بر لن (اُردو پوائنٹ اخبارآن لائن۔7ستمبر۔2016ء)جر منی میں ایک نو سالہ بچہ گھر کے سوئمنگ پول میں ڈوبنے والے اپنے دو سالہ بھائی کی سانسیں بحال کرکے ہیرو بن گیا ہے۔یہ دونوں بچے وسطی جرمنی کے علاقے کورباچ میں اپنے نانی کے پاس تھے۔جب ان کی نانی بچے کی نیپی لینے گھر کے اندر گئیں تو دو سالہ روڈولف گھر کے باغیچے میں چلا گیا اور وہاں موجود سوئمنگ پول میں منہ کے بل گر گیا۔

بچے کو اس کی ماں اور نانی نے پانی سے نکالا تو وہ سانس نہیں لے رہا تھا۔

(جاری ہے)

اس وقت چھ سالہ مارکس نے طبی کارکنوں کو فون کیا کیونکہ اس کی نانی کو جرمن زبان پر مہارت نہیں ہے اور وہ روسی زبان جانتی ہیں۔اس بچے کو فون پر بتایا گیا کہ وہ کس طرح اپنے چھوٹے بھائی کو ابتدائی طبی امداد فراہم کرے۔ اسے بتایا گیا کہ وہ اس کا سینہ ملے اور اس کے منہ سے اسے سانس دینے کی کوشش کرے۔ اس نے ایسا ہی کیا۔طبی کارکنوں کے پہنچنے سے پہلے ہی چھوٹے بچے کی سانسیں بحال ہو گئیں جسے بعد میں ہیلی کاپٹر کے ذریعے ماربرگ کے لے جایا گیا۔ان کی مدد کرنے والے طبی اہلکار کا کہنا تھا کہ مارکس نے پریشانی کی باوجود ان کی ہدایات پر ہو بہو عمل کیا۔

Facebook Twitter Google + Share on Whatsapp

جر منی میں نو سالہ بچے نے ننھے بھائی کی زندگی بچا لی

بدھ 7 ستمبر 2016 کی مزید خبریں