وزیر خزانہ اسحاق ڈار کی زیر صدارت قومی مالیاتی ایوارڈ کا ششماہی جائزہ اجلاس
چاروں صوبوں نے وفاق سے دسمبر تک آٹھویں قومی مالیاتی ایوارڈ کی تشکیل وار جائزہ اجلاس سہ ماہی بنیاد پر بلانے کا مطالبہ کر دیا صوبوں کی جانب سے تجویز کے بعد یہ طے پایا ہے کہ اب جائزہ اجلاس سہ بنیاد پر ہو گا، اسحاق ڈار گزشتہ مالی سال 2015-16کے پہلے چھ ماہ کے دورا ن ایف بی آر نے 1448ارب روپے اکٹھے کئے، سیکرٹری خزانہ کی بریفنگ
اسلام آباد(اُردو پوائنٹ اخبارآن لائن۔31اگست۔2016ء)چاروں صوبوں نے وفاق سے دسمبر تک آٹھویں قومی مالیاتی ایوارڈ کی تشکیل وار جائزہ اجلاس سہ ماہی بنیاد پر بلانے کا مطالبہ کر دیا وفاقی وزیر خزانہ اسحاق ڈار کی زیر صدارت قومی مالیاتی ایوارڈ کا ششماہی جائزہ اجلاس اسلام آباد میں ہوا ، اجلاس کے بعد وزیر اعلیٰ سندھ مراد علی شاہ کے ہمراہ میڈیا سے گفتگو میں وزیر خزانہ اسحاق ڈار نے کہا کہ صوبوں کی جانب سے تجویز کے بعد یہ طے پایا ہے کہ اب جائزہ اجلاس سہ بنیاد پر ہو گا، انہوں نے بتایا ادئیگیوں کے حوالے سے صوبوں کے درمیان کوئی اختلاف نہیں ہے وزیر اعلی سندھ مراد علی شاہ نے بتایا کہ اجلاس میں صوبوں کی جانب سے مطالبہ کیا گیا ہے کہ نئے این ایف سی ایوارڈ کیلیے ٹائم ٹیبل دیا جائے جبکہ اجلاس کے بعد خیبر پختونخوا اور پنجاب کی وزیر خزانہ نے بھی سہ ماہی بنیاد پر جائزہ اجلاس بلانے پر اتفاق کیا دریں اثنا وزارت خزانہ کی جانب سے جاری پریس رلیز کے مطابقسیکرٹری خزانہ ڈاکٹر وقار مسعود نے اجلاس کو بریفنگ دیتے ہوئے کہا کہ گزشتہ مالی سال 2015-16کے پہلے چھ ماہ کے دورا ن ایف بی آر نے 1448ارب روپے اکٹھے کئے جو کہ صوبوں کو قدرتی گیس،گیس ڈویلپمنٹ سرچارج،رائلٹی آن کروڈ آئل،ایکسائز ڈیوٹی کی مد میں منتقل کردی ہے جبکہ قدرتی گیس پر ایکسائز ڈیوٹی50.43ارب روپے اکٹھی کی گئی تھی۔
(جاری ہے)
مزید متعلقہ خبریں پڑھئیے :
