نجی تنظیم ہیومن اپیل کا صحرا ئے تھرپارکر میں وسیع پیمانے پر سبزیاں اگانے کا آزمائشی منصوبہ کامیابی سے ہمکنار
کم ازکم200 گھرانوں کو قحط سالی اور غذائی کمی پر قابو پانے میں مدد ملے گی ویران اور بنجر زمین پر لہلاتی سبزیاں دیکھ کر مقامی آبادی میں خوشی کی لہر دوڑ گئی
اسلام آباد(اُردو پوائنٹ اخبارآن لائن۔22اگست۔2016ء) نجی تنظیم ہیومن اپیل کا صحراہ تھرپارکر میں وسیع پیمانے پر سبزیاں اگانے کا آزمائشی منصوبہ کامیابی سے ہمکنار ہوگیا جس سے کم ازکم200 گھرانوں کو قحط سالی اور غذائی کمی پر قابو پانے میں مدد ملے گی، ویران اور بنجر زمین پر لہلاتی سبزیاں دیکھ کر مقامی آبادی میں خوشی کی لہر دوڑ گئی۔واضح رہے کہ ہیومن اپیل نے قحط زدہ آبادی کی مشکلات کو ختم کرنے کے لیے تحصیل اسلام کوٹ کے دور دراز گاوٴں سورائے، لبو، مہاری ارو دھرم میں پانی کے بحران کے خاتمے کے لیے سولر پمپس لگائے جس سے تقریباً 20 ہزار افراد کوپینے کا صاف پانی میسر آیا، اگلے مرحلے میں ان پمپس سے حاصل ہونے والے اضافی پانی سے بڑے پیمانے پر سبزیاں اگانے کے منصوبے کا آغاز کیا گیا، منصوبے کی کامیابی کے لیے200 کسانوں کو 4 ماہ تک خصوصی تربیت، زرعی آلات، اعلیٰ معیار کا بیج اور مالی معاونت فراہم کی گئی، مستفید ہونے والے افراد میں خواتین کی بڑی تعدا د بھی شامل ہے جس سے ان کے اندر خود اعتمادی اور جدید رحجانات سے روشناس ہونے کا موقع ملا۔
(جاری ہے)
مزید متعلقہ خبریں پڑھئیے :
متعلقہ عنوان :
