اسلام آباد، اقلیتی سپورٹس فیسٹول کی انعامی تقریب میں دعائیہ کلمات پر سر دھنتے 2 خواتین جاں سے ہاتھ دھوبیٹھیں

انتظامیہ نے معاملہ دبانے کیلئے لاشیں پچھلے دروازے سے نکال کرغائب کردیں

جمعہ 12 اگست 2016 10:11

اسلام آباد(اُردو پوائنٹ اخبارآن لائن۔12اگست۔2016ء)اقلیتی سپورٹس فیسٹول کی انعامی تقریب میں دعائیہ کلمات پرسردھنتے2خواتین جاں سے ہاتھ دھوبیٹھیں اورانتظامیہ نے معاملے کودبانے کیلئے لاشیں پچھلے دروازے سے نکال کرغائب کردیں ۔تفصیلات کے مطابق وفاقی دارالحکومت اسلام آباد میں سپورٹس کمپلیکس میں اقلیتی سپورٹس فیسٹول کے دوران دعائیہ کلمات کی دھنوں پرلوگوں نے جھومناشروع کردیا،جس میں سردھنتے ہوئے متعددافرادبے ہوش ہوگئے، اس حالت میں 2خواتین جان سے بھی ہاتھ دھوبیٹھیں۔

تقریب کے دوران واقعہ ہونے پرپہلے بے ہوش اورجاں بحق ہونیو الی خواتین کوایک طرف لے جایاگیاجہاں بے ہوش افرادکوطبعی امداددی گئی تاہم دوخواتین جانبر نہ ہو سکیں اورجاں بحق ہوگئیں ۔تقریب میں بدمزگی پیداہونے کے خدشے کے پیش نظرلواحقین اورانتظامیہ نے معاملے کودبادینے میں ہی عافیت سمجھی ،لواحقین نے انتظامیہ کودرخواست کی کہ جلدازجلدجناح اسٹیڈیم کاعقبی دروازہ کھولاجائے اورلاشوں کوباہرلایاجائے، انتظامیہ نے کافی دیرکے بعدعقبی دروازے سے لاشیں باہربھیجوادیں جن کوفوری طورپرگاڑی میں ڈال کر نامعلوم مقام پرمنتقل کر دیا گیا۔

(جاری ہے)

واضح رہے کہ جمعرات کے روزسپورٹس کمپلیکس کے جناح اسٹیڈیم میں اقلیتی سپورٹس فیسٹول کی انعامی تقریب منعقدکی گئی جبکہ وزیراعظم نوازشریف کی ہدایت پراقلیتوں کاقومی دن بھی منایاجارہاہے تھااس تقریب میں وفاقی وزیرانسانی حقوق سینٹرکامران مائیکل مہمان خصوصی تھے ،تقریب میں لگ بھگ 30ہزارسے زائدافرادنے شرکت کی