داعش نے عراق میں 52 افراد کو زندہ جلا دیا

داعش نے شہریوں کو نقل مکانی پر مجبور کرنے والوں کو زندہ جلایا،داعش نے 4 افراد کو فائرنگ کر کے قتل بھی کیا

منگل 9 اگست 2016 10:42

بغداد( اُردو پوائنٹ اخبارآن لائن۔9اگست۔2016ء ) عراق کے شہر کرکوک میں شدت پسند تنظیم داعش نے 52 افراد کو زندہ جلا دیا جب کہ 4 کو گولیاں مار کر قتل کردیا۔

(جاری ہے)

روسی خبر رساں ادارے کے مطابق داعش نے عراق کے جنگ زدہ شہر کرکوک میں شہریوں کو نقل مکانی پر اکسانے کے الزام میں 52 افراد کو زندہ جلا ڈالا جب کہ ایک دوسرے واقعے میں فائرنگ کر کے 4 افراد کو قتل کردیا۔عرب میڈیا رپورٹس کے مطابق گزشتہ روز بھی داعش کے خود کش بمباروں نے عراق کے جنوبی شہر موصل میں حملہ کیا جس کے نتیجے میں عراقی فوجیوں شہریوں سمیت 11 افراد ہلاک اور متعدد زخمی ہو گئے تھے۔