گہرے سمندر میں شکار پر پابندی،چھوٹی کشتیاں پابندی سے آزاد

پہلے ماہی گیروں کو دو ماہ کی پابندی پر مراعات دی گئی تھی، اس دفعہ 31 جولائی تک پابندی پر سختی سے عمل درآمدہوگا ،جس سے مچھلوں کی افزائش میں 20 فیصد اضافہ متوقع ہے، سیکرٹری فشریز پابندی کی وجہ سے صرف چھوٹی لانچوں پر روزگار کمانے کے لئے شکار کے لئے جارہے ہیں، ماہی گیر

منگل 12 جولائی 2016 10:17

کراچی(اُردو پوائنٹ اخبارآن لائن۔12جولائی۔2016ء)سندھ حکومت نے بریڈنگ سیزن کے باعث دو ماہ کے لئے گہرے سمندر میں شکار پر پابندی لگارکھی ہے۔سندھ میں تیز بارش پر چھوٹی کشتیوں میں جانے والے ماہی گیروں کو تاحال کوئی احکامات جاری نہیں کئے گئے۔سندھ میں طوفانی بارش کا امکان ہیلیکن چھوٹی لانچوں کے ماہی گیروں کو تاحال کوئی ہدایت جاری نہیں کی گئی۔

(جاری ہے)

حکومت سندھ نے بریڈنگ سیزن کے باعث دو ماہ کے لئے مچھلیوں کے شکار پر پابندی لگا رکھی ہے۔سیکرٹری فشری سندھ کا کہنا ہے کہ گذشتہ برسوں میں ماہی گیروں کو دو ماہ کی پابندی پر مراعات دی گئی تھی لیکن اس دفعہ 31 جولائی تک پابندی پر سختی سے عمل درآمدہوگا ،جس سے مچھلوں کی افزائش میں 20 فیصد اضافہ متوقع ہے۔سیکرٹری فشری کا کہنا ہے کہ بارشوں پر متعلقہ اداروں سے احکامات ملتے ہی چھوٹی کشتیوں کو بھی سمندر میں جانے سے روک دیا جائے گا۔ماہی گیروں کا کہنا ہے کہ پابندی کی وجہ سے صرف چھوٹی لانچوں پر روزگار کمانے کے لئے شکار کے لئے جارہے ہیں۔

Facebook Twitter Google + Share on Whatsapp

گہرے سمندر میں شکار پر پابندی،چھوٹی کشتیاں پابندی سے آزاد

منگل 12 جولائی 2016 کی مزید خبریں